STENBOL - Hevseroka DEM Partî ya Stenbolê Arîfe Çinar, ji bo hevdîtina gel ya wê di 30’yê Mijdarê de li Kolana Demokrasiyê ya Sancaktepe bi dirûşmeya ‘em ji bo nanê xwe tên gel hev’ pêk bê banga tevlibûnê kir.

 

Bi pêşengiya Partiya Wekhevî û Demokrasiyê ya Gelan (DEM Partî) di 30’yê Mijdarê de li Kolana Demokrasiyê ya Sancaktepeyê bi dirûşmeya ‘em ji bo nanê xwe tên gel hev’ wê hevdîtina gel pêk bê. Hevdîtina ku DEM Partî ya Stenbolê pêşengia wê dike, Partiya Tevgera Kedê (EHP), Federasyona Meclîsên Sosyalîst (SMF), Partiya Karkeran a Tirkiyeyê (TÎP) Partiya Azadiya Civakî (TOP), Partiya Demorkatîk a Herêman (DBP) Partiya Sosyalîst a Bindestan(ESP), Platforma Piştevaniya Sosyalîst (SODAP), Partiya Sosyalîst a Ji nûve Sosyalîst (SYKP) Partiya Çep û Keskan a Şoreşger (YSP) wê tevli bibin.

 

Hevseroka DEM Partî ya Stenbolê Arîfe Çinar der barê hevdîtina wê li Sancaktepeyê pêk bê de ji JINNEWS’ê re axivî.

 

‘Armanca butçe wekhev bê belavkirin’

 

Arîfe Çinar da zanîn ku DEM Partî bi tifaqên xwe re hevdîtinê pêk tîne û got wê di sala nû de hevdîtina buçeyan bê kirin û encama vê de ger ku butçe bi awayekî wekhev neyên belavkirin wê rê li ber pirsgirêkên cidî bê vekirin. Arîfe Çinar wiha vegot: “Tirkiye 4 sal in bi krîzeke aborî ya cidî re rû bi rû ye. Armanca vê hevdîtina me heye. Gel her diçe xizan dibe, çîna karkeran bi birçîbûnê re rû bi rû ye. Ji ber vê em vê hevdîtinê dikin. Armanca me ev e ku butçe bi awayekî wekhev bê belavkirin.”

 

Ji bo hevdîtinê bang

 

Arîfe Çinar daxuyakirin ku di rewşa Pêvajoya Aştî û Civaka Demokratîk neyê avakirin de, krîzên hîn girantir li bende Tirkiyeyê ne û wiha bi lêv kir: “Em bi vê armancê li Sancaktepeyê hevdîtinê dikin.Em bang li hemû kesî dikin ku ji bo xwedî li nanê ku kêm dibe bê derkevin li Sancaktepeyê di hevdîtinê de cihê xwe bigirin.”