ENQERE - Doza Kobanê ku li 22’yemîn Dadgeha Cezayên Giran a Enqereyê ya li Kampûsa Girtîgeha Sîncanê hat lidarxistin, taloqî sibê hat kirin. 

 

Danişîna 40’emîn a Doza Kobanê di roja sêyemîn de ku Hevserokên Giştî yên Partiya Demokratîk a Gelan (HDP) yên berê Fîgen Yuksekdag û Selahattîn Demîrtaş jî di nav de 18 jê girtî bi giştî 108 siyasetmedarên Kurd bi hinceta bûyerên 6-8’ê Cotmeha 2014’an tê de tên darizandin, li 22’yemîn Dadgeha Cezayên Giran a Enqereyê ya li Kampûsa Girtîgeha Sîncanê hat lidarxistin. 

 

Ji siyasetmedarên girtî Sebahat Tuncel, Aynur Aşan, Ayşe Yagci, Ayla Akat, Zeynep Kahraman, Alp Altinors, Nazmî Gur, Gunay Kubîlay û Bulent Parmaksiz beşdarî danişînê bûn.

 

Siyasetmedara girtî Meryem Adibellî jî ji Girtîgeha Sîncanê bi rêya SEGBÎS’ê beşdarî danişînê bû. 

 

Piştî parastinan heyeta dadgehê danîşînê taloqî sibê saet 10:00’an kir.