NAVENDA NÛÇEYAN - TJK-E ku wê bi wesîleya salvegera Komkujiya Êzidiyan a 3'yê Tebaxê li gelek welatên Ewropayê çalakiyan li dar bixe, banga tevlîbûnê li her kesî kir.

 

Tevgera Jinên Kurd a Ewropayê (TJK-E) bi wesîleya 3'yê Tebaxê salvegera Qirkirina Êzidiyan daxuyaniyeke nivîskî da.

 

TJK-E got, “Bi nêzîkbûna roja 3’yê Tebaxê re, em ê rêxistinên jinan ên li Ewropayê careke din dakevin qadan û salvegera qirkirina li ser gelê Êzidî ku di sala 2014’an de bi dagirkirina Şengalê ji aliyê çeteyên DAÎŞ’ê ve dest pê kir, şermezar bikin. Em vê serdema ku berdewamiya polîtîkayên çewisandin, tecawiz, kolekirin û bê nasnamekirina Êzidiyan bi hezaran car şermezar dikin.”

 

Di daxuyaniyê de hat gotin, "Ev komkujiya ku di bin seltenata DAÎŞ'ê de hate kirin, bû sedem ku bi taybetî jin êşên mezin bijîn. Bi hezaran jin û zarokên Êzidî hatin revandin, li bazarên koleyan hatin firotin û îstismara zayendî li wan hat kirin. Ji 3548 jinên dîl hatine girtin heta niha tenê 1207 kes hatine rizgarkirin. Nayê zanîn bê ka jinên winda sax in an na û hêvî û têkoşîna malbatên wan a ji bo dîtina wan qet bi dawî nebûye.”

 

Di daxuyaniya TJK-E de ev tişt jî hatin gotin:

 

“Em vê qirkirina ku şermeke mezin a sedsalê ye û di bîranînên me de cih girtiye, weke qirkirina li dijî hemû jinên cîhanê dibînin. Em mil bi mil ligel mirovên ku ji bo parastina edalet, wekhevî û azadiya Êzidiyan û hemû kêmneteweyên din ên bindest di nava hevgirtinê de ne.

 

Em ji qirkirinê û vir ve şahidê wêrankirina jiyan, çand û civaka Şengalê ne. Piştî vê qetlîama ku pêşeng û kesayetên wan ên girîng hedef hatin girtin û hatin qetilkirin, Êzidî hatin gel hev û ji bo xwe ji komkujiyeke nû biparêzin avahiyên xwerêveberiyê û xweparastinê ava kirin.

 

Lê belê, destkeftiyên wê bi xeterek mezin re rû bi rû ne. Dewleta tirk û hevkarên wê di 9’ê Cotmeha 2021’ê de ji bo hilweşandina pêkhateyên xwerêveberî û xweparastinê û ji nû ve vegerandina pergalên mêtingeriyê peyman îmze kirin. Xweseriya Şengalê gelek caran ji aliyê dewleta tirk ve bi balafirên keşfê hatiye hedefgirtin. Dewleta tirk ku yek ji piştgirên herî mezin ê Dewleta Îslamî ye, dudilî nake ku sivîl û zarokan bi balafirên bê mirov bike hedef.

 

Lê ji bo welatiyên Şengalê tenê ne dewleta tirk gef e; Hikûmeta Iraqê guh neda daxwazên xweseriya gelên ku qirkirinek li ser wan pêk hat û gelek caran bi rêbazên leşkerî hewl da Şengalê dagir bike.

 

Bûyerên 3’yê Tebaxa 2014’an ku pêşmergeyên PDK’ê yên girêdayî Tirkiyeyê û mîlîsên Iraqê yên Şengal dagir kirin û dema DAÎŞ’ê êrîş kir çek berdan û reviyan di bîranînên me de zîndî mane. Ji vê yekê civaka Êzidî hîn bû ku ji bilî xwe divê bawerî nede ti kesî.

 

Lewma xweserî ji bo gelê Êzidî pêwîst e!

 

Divê em li dijî van êrîşan bibin yek û bang li civaka navneteweyî bikin ku di vê têkoşînê de piştgiriyê bidin me.

 

Em dixwazin qirkirina ku di 3'yê Tebaxa 2014'an de pêk hatî bê naskirin. Her wiha ji bo ku sûcên li dijî civaka Êzidî pêk hatiye bê cezakirin, pêwîst e dadgeheke navneteweyî bê avakirin. 

 

Girîngiyeke mezin e ku DAÎŞ û milîsên îslamî yên ku ji komkujî û tepeserkirina civaka Êzidî berpirsyar in, ji kampên Holê vekişin û bi encamên kiryarên xwe li welatê xwe Ewropayê re rû bi rû bimînin.

 

Ji bo pêşî li êş û wêrankirinên mezintir bê girtin, divê êrîşên hewayî yên li ser Şengalê bên rawestandin.

 

Em bi hev re ji bo edalet, wekhevî û azadiya hemû gelên bindest bi taybet civaka Êzidî têdikoşin.

 

Bi vê wesîleyê em bang li gel, dost û bi taybetî jî li jinên xwe dikin ku di çalakiyên ku 3'yê Tebaxê de li seranserê Ewropayê bi pêşengiya saziyên me yên jinan wê werin lidar xistin de bi hev re li qadan dengê xwe bilind bikin.

 

Em xwe bi rêxistin bikin û ji bo paşerojeke ewle ya Şengal û çar parçeyên Kurdistanê têbikoşin.”

 

Li bajarên wê çalakî lê bên darxistin

 

Bajar û welatên ku dê di 3'yê Tebaxê de çalakiyan lidar bixin wiha ne;

 

Elmanya

 

Darmstadt:

03.08.23

Saet: 18.00

Cih: luisenplatz

 

Saarbrucken

 

03.08.23

Saet: 18.00

Cih: Galeriya Platz

 

Frankfurt

 

3.08.2023

Saet 18.00

Navnîşan: NI una Menos Platz/Liebfrauenberg

 

Hamburg

 

Saet: 18.00

Cih: Mercedo Altona

 

Bremen

 

Saet: 19.00

Cih: Marktplatz

 

Stuttgart

 

Saet: 8.00 

Cih: Schlossplatz/Meydana Kobanê

 

Dortmund

 

Saet: 18.00

Cih: Kampstraße 46

 

Oldenburg

 

Saet: 17.00

Cih: Bahnhofsplatz

 

Swîsre

 

Lucerne

 

3’yê Tebaxê,

Cih: Vögeligärtli

Saet: 19:00

 

Zurich

 

3’yê Tebaxê

Saet: 18.00

Cih: Helvetiaplatz

 

Aarau

 

3’yê Tebaxê saet 18.30

Cih: Aarau Bahnhof

 

Bern

 

3'yê Tebaxê saet 18:00

Cih: Li Bernê li ber parlamentoya Federal

 

Belçîka

 

Liege

 

Saet: 16.30

Cih: Gare Gulimmnes

 

Îngilistan

 

London

 

Saet: 3 PM

Cih: 10 Downing ST, London SW 1A 2AA

 

Swêd

 

Stockholm

 

Saet: 17.30

Cih: Sergelstorg