NAVENDA NÛÇEYAN - Meclîsa Malbatên Şehîdan a Herêma Cizîrê ragihand ku di êrişa hewayî ya dewleta tirk a li ser rêya bajarokê Til Marûf ê Qamişloyê de welatiya bi navê Weed El Xelûf (25) jiyana xwe ji dest daye. 

 

Dewleta tirk di 27’ê Tîrmehê de 2 erebe li ser rêya bajarokê Til Marûf ê kantona Qamişloyê bombebaran kiribûn.

 

Meclîsa Malbatên Şehîdan a Herêma Cizîrê têkildarî êrişê daxuyaniyek da. Di daxuyaniyê de wiha hate gotin:

 

“Dewleta Tirk a dagirker operasyonên qirkirinê li dijî welatiyên Bakur û Rojhilatê Sûriyeyê didomîne. Di 27’ê Tîrmehê de jî li ser rêya bajarokê Til Marûfê 2 erebe bi balafirên bêmirov ên biçek bombebaran kirin.”

 

Meclîsa Malbatên Şehîdan a Herêma Cizîrê êriş şermezar kir û ragihand ku di êrişê de welatiya bi navê Weed Elî El Xelûf jiyana xwe ji dest daye. Li gorî daxuyaniyê, Weed ji gundê Simêhan ê navçeya Til Birakê ye û sala 1998’an ji dayik bûye.