ŞIRNEX - Li navçeya Qilebanê ketin û derketina 11 herêman ji bo 15 rojan li gel hate qedexekirin. 

 

Li navçeya Qileban a Şirnexê ketin û derketina 11 herêman di navbera dîrokên 27’ê tîrmehê û 10’ê tebaxê de hatin qedexekirin. Di daxuyaniya Walîtiyê de hate diyarkirin ku li herêmên navên wan derbas dibin “xebatên sivîl hatine qedexekirin”. 

 

Walîtiyê di daxuyaniya xwe de ev tişt gotin: “Ji bo ku hemwelatî ji bergiriyên hatine girtin zirarê nebînin li herêmên di navbera Girê Dona, Girê Meşkûl, Girê Çali, Girê Avasipî, Girê Kel, Girê Ûç, Girê Berereş, Girê Memê, Girê Dolap, Çemê Gilatê, Pişta Mûjilî yên gundê Elemûnê yê navçeya Qilebanê ji bo 15 rojan di navbera 27’ê tîrmeha 2023’yan de saet di 19.00’an de û 10’ê tebaxa 2023’yan saet 24.00’an de ketin û derketin û hemû xebatên sivîlan hatine qedexekirin.”