Hevparên HDK’ê bang li hikûmetê kirin: Dest ji pêkanîna tecrîdê berdin

2019-01-13 15:37:28


	 

	ENQERE - Nûnerên hevparên HDK’ê yên beşdarî 9’emîn Kongreyê bûn, diyar kirin ku divê hikûmet dest ji pêkanîna tecrîde ber de. 

	 

	Kongreya 9’emîn a Kongreya Demokratîk a Gelan (HDK) berdewam dike. Hevparên HDK’ê yên beşdarî kongreyê bûn mafê axaftinê girtin û axivîn. 

	 

	Hevserokê Komeleya Mafên Mirovan (ÎHD) Ozturk Turkdogan, bal kişand ser grevên birçîbûnê yên li dijî tecrîda li ser Rêberê PKK’ê Abdullah Ocalan û wiha axivî: “Ji bo ku em vê pêvajoyê bişopînin, me koordîneyek navendî ava kir. Em daxwazên girtiyan guhdar kirin. Divê bi temamî tecrîda li ser Birêz Abdullah Ocalan rabe. "

	 

	'Konsepta şer dibe sedema krîzê'

	 

	Hevserokê Konfederasyona Sendikayên Kedkarên Cemawerî (KESK) Mehmet Bozgeyîk jî, diyar kir ku ew bi krîza aborî re rû bi rû ne û wiha got: “Konsepta şerê hikûmetê dibe sedema krîza aborî. Siyaseta înkar û îmhayê bûye sema krîza aborî û kaosê. Leyla Guven ji bo tecrîda li ser Birêz Ocalan rabe 67 rojin di greva birçîbûnê deye. Tecrîd yek ji pêkanînên zextên herî bêhiqûqiye. Divê daxwazên girtiyan bên pêşwazîkirin. Emê bi hevre li ber xwe bidin û bi hevre têbikoşin.”

	 

	'Slav ji birez Abdullah Ocalan re'

	 

	Alîkara Hevserokê Partiya Herêmên Demokratîk (DBP) Halîde Turkoglu jî,bi silavakirina çalakiya Guven dest bi axaftina xwe kir û wiha got: “Ji Gireva Îmraliyê deng ji bo me hat. Silav ji Birêz Abdullah Ocalan re. Silava ji Leyla Guven a ev rê ji bo me vekir. AKP’ê dixwaze pergala xwe cemawerî bike. Ji ber vê dixwaze hebûna xwe li ser Kurdan berdewam bike. Qeyûmên tanînê şaredariyên li Kurdistanê hatine  kirin hene. Hevşaredarên me yên girtî hene. Di hilbijartina herêmî de emê qeyûman paşve bişînin cihên wan.”