
Leyla Guven dê beşdarî şîna dayika xwe bibe 

2019-01-04 16:09:27


	&nbsp;

	AMED – Destûra Hevseroka KCD’ê Leyla Guven a 58 roj e di çalakiya greva birçîbûnê ya bêdawî û bêdorveger de ye beşdarî şîna dayika xwe bibe hat dayîn.&nbsp;

	&nbsp;

	Dayika Hevseroka KCD’ê û Parlamentera HDP’ê Leyla Guven a 58 roj e li dijî tecrîdkirina Rêberê PKK’ê Abdullah Ocalan di greva birçîbûnê de ye Cevriye Guven vê sibehê jiyana xwe ji dest dabû. Parêzeran ji bo Leyla bikaribe beşdarî şîna dayika xwe bibe serî li Miduriyeta Girtîgeha Tîpa E ya Amedê dabûn. Miduriyetê bersiva erênî da serlêdanê.&nbsp;

	&nbsp;

	Hat ragihandin Miduriyetê daxwazê şandiye Serdozgeriya Komarê ya Amedê û serdozgeriyê jî destûra beşdariya şînê daye Guven.&nbsp;

	&nbsp;

	Piştî nêrîna bijîşkan a ku dê Leyla &nbsp;ji ber tenduristiya xwe dikaribe rêwîtiyê bike an na dê diyar bibe ka Leyla &nbsp;beşdarî şînê bibe an na.&nbsp;

	&nbsp;

	Parêzeran ji ber tenduristiya Leyla &nbsp;xwestin rêwîtî bi balafirê pêk were. Ev du roj e li Amedê ji ber mijê dijwar seferên balafiran hatine betalkirin. Ji ber ku balafir nikarin rabin endîşeya dîtina balafirê derket holê. Hat zanîn ku parêzeran xwestiye dema rêwîtiyê bijîşkek û parêzerek refaketê ji bo Leyla &nbsp;bikin.&nbsp;

	&nbsp;

	&nbsp;