
Li Licê û Amedê serdegirtina malan 

2018-12-24 11:30:43


	&nbsp;

	AMED - Piştî qedexekirina 7 tax û gomên çolterên navçeya Lîcê, leşkeran bi ser malan de girtin û 3 kes binçav kirin. Li Erdîşa Wanê jî di encama serdegirtina malan de gelek kes hatin binçavkirin.&nbsp;

	&nbsp;

	Duh li Taxên Bîrlîk, Şenlîk û gomên Mîaran Komu, Kilaraş Komu, Şakar, Ayaz û Akçapınar ên çolterên navçeya Lîcê ya Amedê di saet 06.00’an de qedexeya derketina kolanan hat îlankirin û hîna jî qedexe û operasyona leşkerî ya hatibû destpê kirin, berdewam dikin. &nbsp; &nbsp;

	&nbsp;

	Hat diyarkirin ku yekîneyên leşkerî yên beşdarî operasyonê bibûn li tax û goman bi ser malan de girtine û di lêgerînên pêk anîn de, ji Goma Mîaran S.O., ji Goma Gezan H.Ş û M.S.O. binçav kirin. &nbsp;

	&nbsp;

	Hat destnîşan kirin ku welatiyên hatin binçavkirin birine navçeya Hênê ya Amedê.

	&nbsp;

	Daxuyaniya Walîtiyê

	&nbsp;

	Walîtîya Amedê jî di daxuyaniya da de wiha îdîa kir: “Li taxa Kalaba ya navçeya Hênê di 17’ê Kanûn de, di pevçûnekê derket de polîsekê jiyana xwe ji dest da, polîsek birîndar bû û HPG’iyek jî birîndar bû û dûre jiyana xwe ji dest da. Li goma Mîaran Komu ya Taxa Bîrlîk cenazeyên HPG’iyan ên hatibûn definkirin ji cihên wan hatin derxistin û ji bo tespîta nasnameyan û otopsiyê sewqî Nexweşxaneya Lêkolîn û Perwerdê ya Gazî Yaşargîl a Amedê hatin kirin. S.O. û H.Ş. jî ji ber definkirina cenazeyan hatin binçavkirin.”&nbsp;

	&nbsp;

	6 kes hatibûn girtin

	&nbsp;

	Berê jî derberê pevçûna li navçeya Hênê de, 6 kes hatibûn binçavkirin, rastî îşkenceyên giran hatibûn û dûre bi îdîaya “Alîkarî dayîna endamên rêxistinê” hatibûn girtin. &nbsp;

	&nbsp;

	Li Erdîşê serdegirtina malan û binçavkirin

	&nbsp;

	Di encama serdegirtina malan a li Erdîşa Wanê de gelek kes hatin binçavkirin. Kesên ku navê wan hatin hînbûn ên bi navê Nihat Macit, Kiyasettin Ulugana, Îbrahim Yilmaz, Ayten Yardimci û Adem Sala birin Muduriyeta Emniyeta Erdîşê û sedema binçavkirina wan nehat hînbûn.&nbsp;

	&nbsp;

	&nbsp;

	&nbsp;

	&nbsp;

	&nbsp;