
Xizmên windayan xwest Komîsyona Lêkolîna Heqîqetê bê avakirin 

2018-12-15 16:20:50


	&nbsp;

	AMED &nbsp;– Xizmên windayan û Şaxên ÎHD’ê yên Amedê di çalakiya xwe ya hefteane de xwest Komîsyona Lêkolîna Heqîqetan û Hevrûbûnê ya berê bê avakirin.&nbsp;

	&nbsp;

	Şaxa Komeleya Mafên Mirova ya (ÎHD) a Amedê û Xizmên Windayan di hefteya 514’emîn de çalakiya “Bila winda bên dîtin û kiryar bên darizandin” li avahiya komeleyê dewam kir. Parlamentera HDP’ê Remziye Tosun, Serokê Rêxistina CHP’a Amedê Mehemt Sayin, Dayikên Aştiyê û gelek kes beşdarî çalakiyê bûn.&nbsp;

	&nbsp;

	Daxuyaniya vê hefteyê rêveberê Şaxa ÎHD’ê ya Amedê Parêzer Hasan Yalçin xwend. Hasan qebûlkirina Beyanameya Gerdûnî ya Mafên Mirova ya ji aliyê Neteweyên Yekbûyî ve bi bîr xist û salvegera vê rojê ya 70 sal berê îro li Tirkiyeyê bi xemgînî tê pêşwazkirin. Hasandayik û malbatên windayan ên gorek wan jî nîne vê hefteya beyanemaya mafên mirovan bi dilek xemgîn pêşwazî dikin. Hasanda zanîn ku ji salên 80 û 90’î vir ve gelek desthilatdarî hatin guhertin lê di warê dîtina windayan û kiryaran de tu gavek erênî nehat avêtin. Hasan got têkoşîna wan a ku kiryaran aciz bike didome û daxwaza xizmên windayan a bila kiryar bên darizandin didome.&nbsp;

	&nbsp;

	Hasan destnîşan kir ku ew daxwaza xwe ya Komîsyona Lêkolîna Heqîqetê ya Hevrûbûnê ya berê dubare dikin û bila ev komîsyon bê avakirin û di dewama daxuyaniyê de ji bo mafên mirovan daxwazên divê rayedar bibersivînin rêz kir.&nbsp;

	&nbsp;

	Rêvebera Navenda Giştî ya KESK’ê Elîf Çuhadir jî di çalakiyê de axivî û got daxwaza Dayikên Şemiyê daxwaza wan e û ew ê wek KESK’ê li pey şopa vê daxwazê bin.&nbsp;

	&nbsp;

	Piştî axaftina Elîf &nbsp;çalakî bi dawî bû.&nbsp;

	&nbsp;