
'Konferansa Demokrasiyê' dest pê kir 

2018-12-15 12:36:58


	&nbsp;

	STENBOL-Hevberdevka HDK'ê Gulistan Kiliç Koçyigit di destpêka vekirina 'Konferansa Demokrasiyê' ya ku ji aliyê HDK'ê de hat destpêkirin axivî û got:"Meşa demokrasiyê dirêj e. Divê em bi hev re di vê rêyê de bimeşin."

	&nbsp;

	Yekemîn roja konferansê ya Kongreya Demokratîk a Gelan (HDK) li Otela Taksim Elite Word dest pê kir. Dê konferans 2 rojî bidome. Di roja yekem de dê li ser mijarên wekî 'Cîhanek ça wa-Em di pêvajoya dîrokî de demokrasiyê nîqaş dikin','Li Tirkiyeyê tecrubeyên têkoşîna demokrasiyê û şopa wê ya îro','Dinamîkên Antikapitalist, civakî, demokratîk, azadîxwaz' bê sekinandin. Di nav axaftvanan de ji Zaningeha Başkentê Doç. Dr. Şebnem Oguz, Siyasetmedarê Kurd Ahmet Turk û Feminista azad Hülya Osmanagaoglu cihê xwe girtin. Hevserokê Partiya Demokratîk a Gelan (HDP) Sezai Temelli,&nbsp;Hevseroka HDP'ê ya Stenbolê Esengul Demir, Hevberdevkên HDK'ê Gulistan Kılıç Koçyigit û Onur Hamzaoglu û Hevserokên HDP'ê yên navçeyan beşdarî konferansê bûn.&nbsp;

	&nbsp;

	'Li Cizîrê mirov zindî hatin şewitandin'

	&nbsp;

	Piştî deqeyek rêzgirtin Gulistan Kılıç Koçyigit axaftina destpêkê kir û got:"Li Jêrzemînên Cizîrê bi sedan mirov zindî zindî hatin şewitandin. Li Cizîrê daxwaza em ê bajarê xwe û xwe bi rê ve bibin hebû. Lê dewletê bersivek tund da vê daxwazê. Niha jî vê tundiyê bi tecrîda li ser Birêz Ocalan didomîne. Çalakiya Leyla Guven a ji bo tecrîd bi dawî bibe meşek demokrasiyê ya mafdar e. Ev meşek wicdanî û ehlaqî ye. Em li daxwaz û çalakiya wê xwedî derdikeve û wê slav dikin. Ev ne tenê merseleyek ku tenê li ser pişta girtiyên di girtîgehan de bimeşe ye."

	&nbsp;

	'Meşa demokrasiyê meşek dirêj e'

	&nbsp;

	Gulistanê da zanîn ku li Tirkiyeyê niha ew bi faşîzmek mezin rû bi rû ne û wiha domand:"Meşa demokrasiyê dirêj e. Divê em bi hev re di vê rêyê de bimeşin. Demokrasî ji bo me xwedî wateyek girîng e."

	&nbsp;

	Konferans bi rûniştina yekem didome.

	&nbsp;

	&nbsp;

	&nbsp;

	&nbsp;