
Ji Hewlêrê heta Ewropayê greva birçîbûnê belav dibe 

2018-12-05 16:36:53


	&nbsp;

	NAVENDA NÛÇEYAN - Li Îtalya, Hollanda û Elmanyayê, grevên birçîbûnê yên li dijî tecrîdê dewam dikin.

	&nbsp;

	Grevên birçîbûnê yên li dijî tecrîdkirina Rêberê Gelê Kurd Abdullah Ocalan zêde dibin. Piştî ku Hevseroka KCD'ê û Parlamentera HDP'ê ya Colemêrgê Leyla Guven dest bi greva birçîbûnê kir, ev çalakî li Ewropayê jî belav bû.

	&nbsp;

	Roma

	&nbsp;

	Li paytexta Îtalya Romayê, koma ji 25 kesî ya li dijî tecrîdê ketiye greva birçîbûnê, li Pîazza Dell Popolo daxuyanî da çapemeniyê.

	&nbsp;

	Di çalakiyê de ku 3 saetan dewam kir, belavok hatin belav kirin û dirûşmên "Bê Serok jiyan nabe", "Bijî Serok Apo" hatin qîrîn.

	&nbsp;

	Den Haag

	&nbsp;

	Greva birçîbûnê ya li bajarê Den Haag ê Hollandayê, 5 roj in dewam dike. Koma duyemîn çalakî dewr girt.

	&nbsp;

	Hevserokê DEMNED'ê Engîn Yûrtsever got, "Heta ku tecrîd bê şiandin, em ê çalakiyên xwe bidomînin."

	&nbsp;

	Hîldesheîm

	&nbsp;

	Greva birçîbûnê ya li bajarê Hîldesheîm ê Elmanyayê di roja sêyemîn de ye.

	&nbsp;

	Greva birçîbûnê bi dirûşma "Daxwaza Leyla Guven daxwaza me ye, daxwaza bi milyonan welatiyên Kurd e, vê qîrînê bibihîzin" li avahiya Dîe Lînke (Partiya Çep) pêk tê.

	&nbsp;

	Çalakgeran li ser mijarê bang li raya giştî ya cîhanê kirin.

	&nbsp;

	Hewlêr

	&nbsp;

	Ji aliyê nûnertiya HDP'ê ya Kurdistana Federe li Hewlêrê greva birçîbûnê ya ku dest pê kiribû ket roja 15'an. Çalakî îro ji aliyê koma 8'emîn dewir hat girtin. Gelek rêxistin û partiyên başûr jî alîkariyê didin çalakiyê.&nbsp;

	&nbsp;

	Hevnûnerê HDP'ê yê Herêma Kurdistanê Abid Îke got ku heta tecrîd bê rakirin û parlamenterên HDP'ê serbest bên berdan ew ê çalakiya xwe bidomînin.&nbsp;

	&nbsp;