
Li Silêmanî li dijî tundiyê meş hat lidarxistin 

2018-11-23 16:34:24


	&nbsp;

	SILÊMANÎ - Di çarçoveya çalakiyên 25’ê Mijdarê Roja Têkoşîna Li Dijî Tundiya Li Ser Jinê, îro li bajarê Silêmanî meşek bi pêşengiya RJAK’ê hat lidarxistin.

	&nbsp;

	Îro roja Înê Rêxistina Jinên Azad a Kurdistanê (RJAK) bi boneya 25’ê Mijdarê Roja Têkoşîna Li Dijî Tundiya Li Ser Jinê li bajarê Silêmanî meşek lidar xist. Meşa bi dirûşma “Em ê bi hev re li dijî şîdetê rabin” ji Baxê Giştî dest pê kir û heya li ber Parka Dayîk a bajêr dewam kir.

	&nbsp;

	Nûnerên gelek rêxistinên jinan ên weke KJAR, Kongra Star, Bakurê Kurdistanê yên ji beşên din yên Kurdistanê jî beşdar bûn.&nbsp;

	&nbsp;

	Di çalakiyê de dirûşmên li dijî şîdeta mêr hatin berzkirin. Her wiha bênavber dirûşma, “Jin, jiyan,azadî” hat berzkirin.

	&nbsp;

	Jinan pankarteke mor a bi nivîsa, “Em ê bi rêxistin û &nbsp;parastina cewherî dawî li şîdetê bînin” hilgirtin. Her wiha poster û wêneyên jinên berxwedêr û jinên ku di encama şîdeta mêr û dewletê de hatine qetilkirin jî hatin hilgirtin.

	&nbsp;

	Tevî baranê jinan çalakiya xwe domandin.&nbsp;

	&nbsp;