
Li Helebê forma jinan 

2018-11-21 09:43:27


	&nbsp;

	NAVENDA NÛÇEYAN - Partiya Pêşerojê ya Sûriyeyê ya buroya Helebê bi dirûşmeya "Mil bi mil em jineke azad ji bo pêşeroja Sûriyeyê ava bikin" forma jinan lidar xist.

	&nbsp;

	Form bi wesîleya 25‘ê Mijdarê bi amadebûna nûnerên MSD, Hevbendiya Niştimaniya Demokratîk li Sûriyê, Partiya Yekitiya Demokratîk li Sûriya (Yekitî), Partiya Avakirin û Guhertin a Ciwana, Partiya Netewî ya Civakî ya Sûrî, Partiya Yekitiya Demokratîk, Desteya Rêveber a Jinan li Sûriyê, Ekîpa Aştiyê ya Sûriyê, Tevgera Civaka Demokratîk, Kongreya Star, Mala Êzidiyan, Komîteya Perwerdeya Civaka Demokratîk û nunerên saziyên sivîl ên taxa Şêxmeqsûdê hat lidarxistin.

	&nbsp;

	Di formê de 3 beş hatin nîqaşkirin. Rewşa jinê ya di nava aloziya Sûriyeyê de, şideta li jinan û têkoşîna li dijî şideta li jinan û aktîvkirina rola di siyasetê de.

	&nbsp;

	Di destpêka formê de senevîzyonek li ser şideta li jinan li Rojhilata Navîn û tevahî cîhanê hate nîşandan.

	&nbsp;

	Axaftina destpêkê ya formê ji aliyê berpirsa buroya jin a Partiya Pêşerojê ya Sûriyê Xalide Ebdo ve hate kirin.

	&nbsp;

	Xalide bal kişand tundiyên ku jin di aloziya Sûriyê lê rast hatin û têkoşîna wê ya li hemberî her astengiyan.

	&nbsp;

	Di nîqaşên beşa yekem a formê de hate gotin ku jinan di pêvajoya aloziyê de dikarî bibe bingeha sereke ya avakirina civakeke demokratîk û pirreng civaka ku banga wekheviya jin û mêr dike. Her wiha hat gotin ku jin dikarin heya radeyekê hişmendiya baviksalarî di nava civakê de rake û bibe têkoşer, xuşk û dayik.

	&nbsp;

	Di beşên duyemîn û sêyemîn de axaftin ji aliyê Cîgira berpirsa buroya rêxistinî ya jinan a Partiya Pêşerojê ya Sûriyê Subhiya Efaşa û endama Ekîpa Sûriya ya Aştiyê Cîhan El-Seman ve hatin kirin. Her wiha mudaxeleyên beşdaran jî hebûn.

	&nbsp;

	Di axaftin û nîqaşan de mijdara tundiya li ser jinan bi hemû aliyên wê fîzîkî û derûnî û encamên wê yên li ser tevahî civakê hatin kirin. Hate gotin ku cureya herî bi xeter a li dijî jinan qanûnên medenî yên desthilatdar ên girêdayî jinan e, qanûnên ku jinan bê mafê dihêle, hate destnîşankirin ku divê ev qanûn bi dawî bibin û têkoşên li dijî şideta li jinan were kirin da ku jin rola xwe di civakê de pêk bîne, bi taybet di warê siyasî de.

	&nbsp;

	Form bi xwendina encamnameyê ji aliyê Berpirsa Buroya Rêxistinî ya Partiya Pêşerojê ya Sûriyê ya buroya Helebê Xalide Ebdo ve bi dawî bû.

	&nbsp;

	Xalide Ebdo got: "Di formê de nîqaşnên berfireh hatin kirin, her wiha nêrînên cuda der barê aloziya civakî de û bandora wê di aliyê fîzîkî, madî, manewî û derûnî li ser jinan derketin pêş."

	&nbsp;

	Şideta li jinan encamên xwezaya çanda bavikslarî ye, li hemberî vê pirsgirêkê pêwîstî bi çareseriyên bingehîn heye."

	&nbsp;