
Serlêdana malbatan hat redkirin 

2018-11-17 12:35:03


	&nbsp;

	STENBOL - Serdozgeriya Komarê yê Bursayê daxwaza serlêdana hevdîtina malbata Rêberê PKK’ê Abdullah Ocalan û malbatên sê girtiyên din ên li Îmraliyê red kir.

	&nbsp;

	Xwişk, bira û vasiyê Rêberê PKK’ê Abdullah Ocalan, Fatma Ocalan, Mehmet Ocalan û Mazlum Dînç ji bo bi Ocalan re hevdîtin bikin, bi riya parêzeran serî li Serdozgeriya Komarê ya Bursayê dan. Lê serdozgeriyê daxwaza malbatan red kir.

	&nbsp;

	Birayê Hamîlî Yildirim, Polat Yildirim, birayê Omer Hayri Konar, Alî Konar û xwişka Veysel Aktaş, Sabîha Aslan jî bi boneya hevdîtinê bi riya parêzeran serî li dozgeriyê dan. Heman dozgeriyê daxwaza her sê malbatan jî red kir.

	&nbsp;

	Serdozgeriya Komarê ya Bursayê, bi hinceta “Sînordarkirina mafên hikûmxaran” daxwaza malbatan red kir. Serdozgeriyê ji 11’ê îlona 2016’an û vir ve serlêdana malbatan red dike.&nbsp;