Li Taşlûgê navende Kongreya Star vebû  

2018-11-12 17:23:00


	 

	KOBANÊ - Kongreya Star navendeke xwe li bajarokê Taşlûgê bi şahiyekê vekir.

	 

	Bi amedebûna dehan jinên ji Kongra Star, rêxistina Sara ya têkoşîna li dijî şîdeta li ser jinê û asayîşa jinê li bajarokê Taşlûgê yê girêdayî navçeya Şêranê navenda xwe vekir.

	 

	Şahiyê bi deqeyek rêzgirtin dest pê kir, paşê jî Ilham Berkel endama Kongreya Star a Şêranê û Rûken Ebûk xwişka şehîd Zozan e ku ji gundê Taşlûgê ye vekirina navendê pîroz kir û diyar kirin wê vekirina Kongira Star gavek be ku jin xwe bi rêxistin bikin û li ser fikrên rêberê PKK'ê Abdullah Ocalan perwerde bikin.

	 

	Paşê jî dayika Şehîd Zozan qurdela vekirina navendê di nava tilîliyan û berzkirina diruşmeyên 'Jin jiyan azadî' qut kir.

	Herî dawî jî koma şehîd Yekta ya şanoyê, koma çand û hûnera Şêranê û koma Botan ya stranan çalakiyên xwe pêşkêş kirin.