
Destûr nedan Bêkes Tunç biçe DMME’yê 

2018-11-09 13:57:30


	&nbsp;

	ŞIRNEX - Danişîna serlêdanên qedexeyên derketina kolanan ên li Cizîrê li Dadgeha Mafê Mirovan a Ewropayê (DMME) dê bê dîtin. Dê malbata Tunç a ku du zarokên wan hatin kuştin jî biçin DMME’yê lê bes destûra çûna dayika Mehmet Tunç, Esmer Tunç û kurê Orhan Tunç, Bêkes Tunç ê 2 salî bi hêceta “rîska sitarebûnê” nehat dayîn.&nbsp;

	&nbsp;

	Di navbera 2015-2016’an de li navçeya Cizîrê ya Şirnexê qedexeyên derketina kolanan hatibûn îlankirin û ji 100 mirovî bêtir kes jiyana xwe ji dest dabûn. Parêzeran ji bo binpêkirina mafê mirovan ên li Cizîrê serî li Dadgeha Mafê Mirovan a Ewropayê (DMME) dan. Danişîna vê serlêdanê dê di 13’ê mijdarê de li DMME’yê bê dîtin.&nbsp;

	&nbsp;

	Lê encax destûra çûyîna hin kesên dixwazin biçin beşdarî danişînê bibin nehat dayîn.&nbsp;

	&nbsp;

	Malbata Hevserokê Meclîsa Gel a Cizîrê Mehmet Tunç û birayê wî Orhan Tunç ên ku di jêrzemînan de hat kuştin jî biçin danişînê. Dayik Esmer Tunç û kurê Orhan Tunç, Bêkes Tunç jî dê beşdarî danişînê bibin.&nbsp;

	&nbsp;&nbsp;

	Li ser navê malbatan parêzer Ramazan Demîr ê ku serî li DMME da, vê agahiyê di hesabê xwe yê Twîtterê de parve kir. Parvekirina Demîr wiha ye: “Danişîna Cizîrê dê roja înê li DEMM’yê bê dîtin. Lê Sefaretxaneya Fransa ya li Enqereyê bi hêceta “rîska sitarebûnê ya malbatî” çûyîna Esmer Tunç û Bêkes Tunç 2 salî red kir û destûra vîzeyê neda malbatê. Bêkes nikare were danişîna bavê xwe.”&nbsp;

	&nbsp;