Jinên Ereb: Bi berxwedana  jinan em ê Efrînê ji dagirkeriyê xelas bikin 

2018-10-23 09:05:35


	 

	Ronîda Hacî

	 

	HESEKÊ - Jinên pêkhateyên Ereb  nêrazîbûn nîşanî êrîş û dagirkirina ser Efrînê dan û gotin ku tenê hêza jinan dikare ku Efrînê azad bike.

	 

	Piştî êrîşên ser Efrînê gel neçar man û bi hezaran kes ji ber êrîşan  ser xaka  xwe koçber bûn. Jinên Efrînê nêrazîbûn nîşanî bêdengiya li hemberî êrîş û koçberkirina ser Efrînê dan û gotin ku bi vîn û hêza jinê dê Efrîn bê rizgarkirin.

	 

	' Ji hêza jinan ditirsin '

	 

	Jina bi navê Sena Casim diyar kir ku desthilatdar ji hêza jinan ditirsin  lewma dema êrîş dike di destpêkê de jinan hedef digire û wiha got: " Dewleta Tirk û çeteyên wê dema êrîşî Efrînê kir, di destpêkê de jin hedef girt ji ber ku ji hêza jinan ditirsin. Ji ber ku jinan  di şoreşa Rojava de hêza xwe nîşanî hemû cîhanê dan. Ji ber wê êrîşên xwe her roj  zêdetir dikin. Bang li hemû jinan dikim ku ji bo rizgarkirina Efrînê têbikoşin. Em êli  ser piyan bin heya ku Efrîn ji dagirkeriyê xelas dibe."

	 

	'Ji êrîşên ser Efrînê Dewletên Navnetew berpirsyar û sûcdar in  '

	 

	Jina bi navê Yisra Îsa êrîşên ku ji aliyê hikûmeta tirk ve pêk hatin şermezar kirin û wiha axivî;"Darên zeytûnan bi keda gelê Efrînê ve  hatiye avdan. Keda mirovan jî  xwedî nirx e. Îro dewleta Tirk keda mirovan binpê dike û daran dişewitîne. Em wekî jinên ereb  di van êrîşan de saziyên mafê mirovan û dewletên navnetewî sûcdar dibînin ku heya niha bêdeng mane . Bi yekîtiya kurd û hêza kurd  em ê xwedî li Efrînê derkevin û ji dargirkerî, serdestiyê xelas bikin ."