
17'emîn dewreya xweser a tenduristiyê dest pê kir 

2018-10-18 15:14:58


	&nbsp;

	Dîlber Mihemed

	&nbsp;

	HESEKÊ - 17'emîn dewreya perwerdeya xweser a tenduristiyê li navenda Arî ya tenduristî ya bajarê Serêkaniyê dest pê kir.

	&nbsp;

	Di 10'ê Cotmehê de Navenda Arî ya bajarê Serêkaniyî ya girêdayî Kantona Hesekê dest bi 17'emîn dewreya perwerdeya xweser a tenduristiyê bi pêşengtiya Weqfa Jina Azad kir. 17 jin ji Kurd û Ereb beşdarî dewreya perwerdeyê bûne. Perwerde dê sê mehan dewam bike. Doxtorên perwerdeyê bidin ji nexweşxaniya Roj a Serêkaniyê ne. jJnên tevlî perwerdeyê bûn nerînên xwe anîn ziman.

	&nbsp;

	Jina bi navê Cûriyê Muhemed a ji pêkhateyê Ereb tevlîbûna xwe ji perwerdeya tendirustî re anî ziman û wiha got ": Ez ji gundê &nbsp;Em EL-Esafîr im weke ku tê zanî gund ji bajara dû rin û navendê tenduristiyê kêm in. Loma min ev dewreya tenduristiyê weke fersendekê ji xwe re dît. Ez gelek kêfxweş im".

	&nbsp;

	Jina bi navê Hena Îbrahîm derbarê perwerdeyê de wiha axivî": Ev bûye hefteyek ku me dest bi perwedeyê kiriye. Min xwest ez fêr bibim ji bo alîkariyê bi civaka xwe re bikim. Hêviya min ji hemû jinan ew e ku tevlî dewreyan bibin ji ber ku jin bi perwerdeyê civaka xwe di hemû milan de pêş dixe.&nbsp;

	&nbsp;