
Bêrîtan Cûdî di 3'emîn salvgera xwe de hat bibîranîn 

2018-10-04 11:42:29


	&nbsp;

	HESEKÊ - Endama Konseya Leşkerî Bêrîtan Cûdî di 3'emîn salvegera şehadeta xwe de, ji aliyê malbat û rêhevalên xwe ve, hat bibîranîn. Di bîranîna &nbsp;Berxwedêr Bêrîtan de soza şopandina riya azadiyê hat nûkirin.&nbsp;

	&nbsp;

	Endama Konseya Leşkerî Bêrîtan Cûdî ku hember çeteyên DAÎŞ'ê li Çiyayê Kizwana berxwedaniyeke bêhempa da meşandin û di 2'ê Cotmeha 2015' an gihaşt asta şehadetê, ji aliyê malbat û rêhevalên xwe ve li Goristana Ş.Rustem Cûdî ya li Berkevirê, hat bibîranîn.

	&nbsp;

	Rêhevala Bêrîtanê Zekiya Delîl got:" Bêrîtan leheng û wêrek bû. Ew ji bo azadiya tevahî jinan têkoşiya û mohra xwe li dîrokê da. Bêrîtanê di dilê me de dijî, em ê şopdara riya Bêrîtanan bin."

	&nbsp;

	Jinbira Bêrîtanê Gulan Emîn jî got:" Min di kesayeta Bêrîtan de azadî û bawerî dît lewma min navê keça xwe kir Bêrîtan, da ku bikaribe di pêşerojê de xwedî li ked û têkoşîna Ş.Bêrîtan derkeve û bibe şopdarê rêya wê."

	&nbsp;

	Piştî axaftinan Dayîka Berxwedêr Bêrîtan, Cewhera Nemo şêranî belav kir. &nbsp; &nbsp;&nbsp;

	&nbsp;