
3'emîn Konferansa Kantona Şehbayê hat lidarxistin 

2018-09-29 11:38:42


	&nbsp;

	ŞEHBA - Rêveberiya Kantona Şehbayê 3'emîn Konferansa xwe bi tevlîbûna 150 delegeyan li gundê Tilqirah ê Kantona Şehbayê li dar xist.

	&nbsp;

	Bi dirûşma "Civaka Rêxistinbûyinî Civaka Azad" li Kantona Şehbayê Rêveberiya Kantona Şehbayê 3'emîn Konferansa xwe bi tevlîbûna 150 delegeyên Rêveberiya Xweser a herêma Efrînê, Meclîsa Kantona Şehbayê, Meclîsa Sûriyeya Demokratîk, Partiya Yekîtiya Demokratîk,Tehalof, Partiya Pêşeroja Sûriyeyê, Endamên Meclîsa Herêma Efrînê, Partiya Yekbûyî, Komîteya Zanist û Perwerdeyê, Yekîtiya Jina Azad a Kantona &nbsp;Şehbayê, Kongreya &nbsp;Star, Meclîsa Malbetên Şehîdan, Oldarên Eşîran, Heyva Sor a Kurd, Komîteya Ciwanan, Meclîsa Navçeya Til Rifet, Meclîsa Navçeya Keferneya, Meclîsa Navçeya Fafînê, Meclîsa Navçeya Ehrezê, hat lidarxistin.

	&nbsp;

	Eywana Konferansê bi weneyên Rêberê PKK'ê Abdullah Ocalan û têkoşerên azadiyê hat xemilandin.&nbsp;

	&nbsp;

	Piştî deqeyek rêzgirtin a ji bo berxwedêrên azadiyê Hevseroka Meclîsa Federal a Bakurê Sûriyeyê Hediye Yusif axivî û got:"Em israr dikin ku projeya Netewa Demokratîk pêş bixin. Em ji bo avakirina jiyanek aram gav diavêjin û berxwe didin. Em li ser esasên wekheviya gelan xebatên xwe pêş dixin. Ev xebat û berxwedana me dê bidome."

	&nbsp;

	Hevseroka Meclîsa Herêma Efrînê Osman Şêx Îsa axivî û diyar kir ku di rewşek wiha de hemû dewletên dagirker bi planên herî qirêj êrîşî gelên Sûriyeyê dikin. Li dijî vê yekê em ê dev ji têkoşîna bernedin û bilindtir bikin.&nbsp;

	&nbsp;

	Piştre Hevseroka Meclîsa kantona Şehbayê Wefe Hisên rewşa siyasî ya salekê bi awayekî berfereh xwend. Wefe Hisên wiha got:"Hemû dewletên dagirker ji bo berjewendiyên xwe şerekî taybet li ser Sûriyeyê dimeşînin û nahêlin ev şer bi dawî bibe. Me li dijî çeteyên DAÎŞ'ê û li dijî planên qirêj ên dagirkeran li ber xwe da û em ê berxwedana xwe bidomînin."

	&nbsp;

	Paşê li ser rewşa siyasî nîqaşên berfereh ji aliyê beşdarvana ve hat kirin. Her wiha ji aliyê Partiya Pêşeroja Sûriyeyê, Kongreya Star a Efrînê, Meclîsa navçeya Ehrezê, Meclîsa Malbetên şehîdan a Efrînê, Partiya Demokratîk a Kurdî li Sûriyê, Ragihandina Azad, Meclîsa Sûriye Demokratîk ya Efrîn û Şehbayê, Tehalufa Demokratîk ya Sûriyeyê, Meclîsa Herêma Efrînê, Meclîsa Giştî,Meclîsa Gel ya Navçeyê Fafînê, Meclîsa Navçeya Tel Rifet, Koordînasyona Giştî ya Şarederiyên Kantona Şehbayê, Gelê Efrînê yên ku li herêma cizîrê û Firatê bi cih bûne, nameya serkeftin û pîrozbahiyê ji bo 3'emîn Konferansa Kantona Şehbayê &nbsp;şandin.

	&nbsp;&nbsp; &nbsp; &nbsp; &nbsp;

	Piştî nirxandina rewşa rêxistinî pêşniyar ji aliyê Serkokê Komîna Navçeya Fafînê Muhemed Zekeriya Şubek hatin xwendin.

	&nbsp;

	Biryarên ku di konferansê de hatin dayîn

	&nbsp;

	Piştî nîqaşan û ji bo pêşxistina asta kantona Şehbayê di hemû aliyan de gelek biryar hatin dayîn:

	&nbsp;

	1-Careke din hevserokatiya komînan di ber çavan re were derbaskirin, li gorî pêwîstiyê komîn li gundan werin avakirin û komîteyên di meclisan de werin xurtkirin.

	&nbsp;

	2-Dewreyên perwerdeyê yên rêxistinî ji bo karê saziyan, her wiha perwerdeyên bîrdozî werin vekirin.

	&nbsp;

	3-Komîteya Têkiliyên Diplomatîk li herêmê were vekirin da ku rewşa girtiyan û kesên winda bişopîne.

	&nbsp;

	4-Komîteya Zimhêrê were avakirin.

	&nbsp;

	5-Komîtaya mafên mirovan li herêma Şehbayê were avakirin û careke din dîwana dada civakî were avakirin.

	&nbsp;

	6-Di aliyê madî û moraldayînê de alîkariya hêzên berxwedana gelêrî bikin ku Efrînê rizgar bikin.

	&nbsp;

	7-Xwedîderketina li biryarên konferansa Yekitiya Jinên Azad û konferansa Meclisa Malbatên Şehîdan.

	&nbsp;

	8-Di aliyê madî û moraldayînê de alîkariyê bidin ciwanan da ku xwe li kantona Şehbayê bi rêxistin bikin.

	&nbsp;

	9-Alîkariyê bidin saziyên xweparastinê da ku aramî û ewlehiyê ji gel re peyda bikin.

	&nbsp;

	10-Rola Komîteya Perwerdeya Civaka Demokratîk li kantonê xurt bikin û rola çapemeniyê aktîf bikin.

	&nbsp;

	11-Ji bo birêxistinkirina bajarên Til Eran, Til Hasil û gundên wê di hemû aliyan de komîteyek were avakirin.

	&nbsp;

	12-Asta têkoşînê were xurtkirin û hemû çalakî dê di çarçoveya pêkanîna pîvanên neteweya demokratîk û rizgarkirina Rêberê PKK'ê Abdullah Ocalan dê werin lidarxistin.

	&nbsp;

	Di dawiya konferansê de ji rêveberên TEV-DEM`ê Hesen Koçber axivî û destnîşan kir ku Sûriye di rewşeke hesas re derbas dibe, pêwîst e gelên Bakurê Sûriyeyê û Rojava bi awayekî mezintir cihê xwe di nava civakê de bigirin û tev li hemû partiyên siyasî bibin, yekitiya xwe li dijî dagirkeriya Tirkiyeyê ava bikin da ku hemû planên navdewletî yên li dijî civaka demokratîk têk bibin.

	&nbsp;