
Li Til Temirê 32 berxwedêrên azadiyê hatin bibîranîn 

2018-09-23 14:39:58


	&nbsp;

	TIL TEMIR - Saziya Malbatên Şehîdan 32 Berxwedêrên Azadiyê bi merasîmekê bi bîr anî.&nbsp;

	&nbsp;

	Saziya Malbatên Şehîdan 32 Berxwedêrên Azadiyê ku di tebax û îlonê de di salên cuda de di berxwedana Serêkaniyê û Til Temirê de, li qadên parastina medyayê de jiyana xwe ji dest dabûn bi merasîmekê bi bîr anî.&nbsp;

	&nbsp;

	Di merasîmê de bi dehan malbat û hevjînên berxwedêran, endam û rêveberiyên saziyên civaka sivîl amade bûn.&nbsp;

	&nbsp;

	Merasîm bi deqeyek rêzgirtin dest pê kir. Ji aliyê Rêveberiya Meclisa Malbatên Şehîdan Henîfa Hisên, Rêvebera Kongreya Star Gulîxan Tahir her wiha Rêveberiyê Asayîşa Til Temirê Selman Nûhê û Fermandarê Yekîneyên Parastina Gel Welîd Amed, axaftin hatin kirin.&nbsp;

	&nbsp;

	Di axaftinan de bal kişandin ser rola berxwedêran a di têkoşîna doza Kurd û avakirina Sûriyeyek demokratîk. Her wiha di axaftinan de hat gotin ku divê hemû kes li nirxên berxwedêran xwedî derkevin û ji bo welatekî azad têbikoşin.&nbsp;

	&nbsp;

	Merasîm bi vêxistina mûman a li ser goristana berxwedêran bi dawî bû. &nbsp;&nbsp;

	&nbsp;