
Xizmên windayan: Divê kujer bên darizandin 

2018-09-08 16:06:59


	&nbsp;

	AMED - Di hefteya 500'î ya çalakiya rûniştina ÎHD û xizmên windayan de polîsan biryara qedexekirina walîtiyê wekî hincet nîşan da û nehiştin ku çalakî pêk were. Xizmên Windayan gotin:"Heta ku em kujeran bibînin em ê têbikoşin. Divê kujer bên darizandin."

	&nbsp;

	Polîs destûr neda çalakiya rûniştinê ya ÎHD û Xizmên Windayan a 500'î ku bi dirûşma "Bila winda bên dîtin, kujer bên darizandin" her hefte dihat lidarxistin. Parêzkarên mafên mirovan û Xizmên Windayan derbasî Şaxa ÎHD'ê ya Amedê bûn û li wir daxuyanî dan.

	&nbsp;

	'Hûn ji dayikan çi dixwazin?'

	&nbsp;

	Hevserokê Giştî yê ÎHD'ê Ozturk Turkdogan li vir axivî û diyar kir ku qedexe ya ku hatiye danîn ne hiqûqî ye û got:"Hûn ji dayikan çi dixwazin?"

	&nbsp;

	'Em vê qedexeyê şermezar dikin'

	&nbsp;

	Piştre xizma windayan Îffet Muhittaş axivî û got:"Em vê qedexeyê şermezar dikin. Tenê xwesteka me ew e ku kujer bên dîtin û bên darizandin."

	&nbsp;

	Daxuyanî piştî rûniştina ku ji bo bîranîna windayan hat kirin, bi dawî bû.&nbsp;

	&nbsp;

	&nbsp;

	&nbsp;