
Li Şirnexê 3 sal şûnde wê avahî radestî malbatan bên kirin 

2018-09-08 09:12:22


	&nbsp;

	ŞIRNEX - Piştî qedexeya derketina derve ji sedî 70’ê Şirnexê hat hilweşandin û TOKÎ’yên hîmê wan 3 sal berê hatin danîn ku dihat gotin wê di meha Tebaxê de bên radestkirin, hat diyarkirin ku wê 120 avahî di 10’ê vê mehê de radestî &nbsp;malbatan bê kirin.

	&nbsp;

	Avahiyên TOKÎ’yê yên piştî qedexeya derketina derve li Şirnexê hîmê wan hat danîn, ji van 120 heb wê 3 sal şûnde radestî malbatan bên kirin. Nayê zanîn ku wê avahiyên din kengî bên radestkiin.

	&nbsp;

	Di 3 salan de 120 avahî

	&nbsp;

	Li taxên Bahçelîevler, Dîcle, Cumhuriyet, Gazîpaşa, Îsmetpaşa, Yenî û Yeşîlyurtê piştî qedexeyê înşata 6500 avahî û 1000 dukanî dest pê kir. Lê ev 3 sale xebat didomin û gelek avahiyên ku divê di Tebaxa 2017’an de bihata radestkirin ji van hinek hatin temamkirin.

	&nbsp;

	Projeya bi gotinên ‘Şirnex digihêje xeyalên xwe’ starta wê hat dayîn piştî projeyê ji sedî 80’ê navçeyê binesaziya wê xera bû. 120 avahiyên li taxa Îsmetpaşa û Bahçelîevler di 10’ê vê mehê de bi çîtikê wê radestî malbatan bê kirin. Tê îdiakirin ku avahiyên din jî qediyane û yên din jî nayê zanîn wê kengî radestî malbatan bên kirin.

	&nbsp;

	Di dema qedexeyê de gelek qadên şînahiyê hatin tunekirin û li qada axê ya li ligel avahiyan bi şitlan ‘Şirnex 2018’ hatiye nivîsin.

	&nbsp;