
Li dijî tecrîdê divê em berxwedana jinê geş bikin' 

2018-09-01 09:03:32


	&nbsp;

	AMED - Hevberdevka Delegeyan a KCD’ê Zelal Bîlgîn bi lêv kir ku tecrîda giran a li ser Rêberê PKK’ê Abdullah Ocalan,êrîşek li hemberî destkeftiyên jinan e û got: “Ji ber vê divê em zêdetir xwedî li têkoşîna azadiya jinê derkevin.”

	&nbsp;

	Hevberdevka Delgeyên KCD’ê Zelal Bîlgîn destnîşan kir ku tecrîd wê encamên ku hemû gel jê bi bandor bibin derxîne holê û wiha got: “Tecrîd pêşî li qirkirinê vedike, polîtîkayên şer û talanê xurtir dike. Ji ber vê em nikarin tecrîdê tenê wekî ku li ser gelê Kurd tê meşandin binirxînin. Ev bandorê li ser hemû gelên Rojhilata Navîn dike.”

	&nbsp;

	‘Tecrîdê sînorên Îmraliyê derbas kir'

	&nbsp;

	Zelalê daxuyakirin ku tecrîd ji aliyê dewletan ve wek alava îşkencê li hemberî gelan tê bikaranîn û ev tişt anî ziman: “Tecrîda giran a li Îmraliyê li ser hemû hevalên me yên zindanê û li ser gelan tê bikaranîn. Îro bi sedan girtiyên siyasî yên nexweş rastî binpêkirina mfan tên û şîdet bi awayekî sîstematîk li girtîgehan tê meşandin. Tecrîda li Îmraliyê li hemberî hemû gelan û zindanan tê ferzkirin.”

	&nbsp;

	‘Rakirina tecrîdê wê rizgariya gelan be’

	&nbsp;

	Zelalê her wiha bi lêv kir ku rakirina tecrîda li Îmraliyê wê xilasiya hemû gelan be û wiha dirêjî da axaftina xwe: “Rakirina tecrîdê wê wateya kaosa li Rojhilata Navîn, bidawîbûna polîtîkayên şer û ji nû ve sererastbûna Rojhilata Navîn be.”

	&nbsp;

	‘Zêdetir têkoşîna azadiya jinê’

	&nbsp;

	Zelalê wiha dawî li axaftina xwe anî: “Dixwazin destkeftiyên jinan şûnde bixînin û jinan bikin bin zextan. Em jin heta tecrîd rabe em ê têbikoşin. Em vê baş dizanin. Divê em jin têkoşîna azadiya xwe bilind bikin. Divê em li dijî tecrîda li Îmraliyê bisekinin. Divê em li dijî tecrîdê zêdetir xwedî li têkoşîna azadiyê derkevin.

	&nbsp;