'Em ê heta dawî şopdarê doza şehîdên xwe bin' 

2018-08-22 09:04:04


	 

	Cudî Zênu - Lîlav Elî

	 

	ŞEHBA - Malbatên Şehîdên Herêma Efrînê yên ku li Kantona Şehbayê bi cih bûne bi boneya Cejna Qurbanê axivîn û peyama şopandina doza şehîdên xwe dan.  

	 

	Bi boneya Cejna Qurbanê Malbatên Şehîdan goristanên 'Şehîdên Berxwedana Serdemê' ziyaret kirin û gotin:"Her dem şehîdên me di dil û mejiyê me de ne. Kes nikare îradeya me bişkîne. Çimkî em hêza xwe ji têkoşîn û berxwedana şehîdên xwe digirin."

	 

	Dayika Şehîd Reşîd Sureye Hebeş got:" Em ê heta dawî li mîrateya şehîdên xwe derkevin. Em her bi wan ser bilind in. Dê dewleta tirk û çeteyên wê nikaribe îradeya me bişkîne. Em ê heta dawî şopdarên doza şehîdên xwe bin."

	 

	'Şehîdên me ji bo axa xwe canê xwe feda kirin'

	 

	Dayika Şehîd Engîzek, Xedîce Elo diyar kir ku ew ê li têkoşîna şehîdan xwedî derkeve û got:"Şehîdên me ji bo axa xwe canê xwe feda kirin. Em ê heta dawiya emrê xwe wan ji bîr neke û rêya wan a ronî bişopînin." 

	 

	'Hovîtiya wan ew ê nikaribe hêvî û hêza me bişkîne'

	 

	Hevjîna Şehîd Şahîn Nemir Nisrîn Cimo bal kişand êrîşên dewleta tirk ên li ser goristanan û got:"Dewleta tirk êrîşî nirxên civakî yên Kurd dike. Êrîşî goristanên şehîdan dike. Hovîtiya wan ew ê nikaribe hêvî û hêza me bişkîne. Em ê her li nirxên xwe yên neteweyî xwedî derkevin."

	 

	'Şehîdên me hêz, îrade û hebûna me ye'

	 

	Dayika Şehîd Demhat Zêneb Hesen Cejna Qurbanê li şehîdan pîroz kir û got:"Em wekî dayikên Şehîdan rê nedin dewleta tirk û çeteyên wê. Em ê heta dawî di rêya şehîdên xwe de bin û em ê xwe biparêzin. Şehîdên me hêz, îrade û hebûna me ye. Her dem şehîdên me di dil û mejiyê me de ne. Kes nikare îradeya me bişkîne. Çimkî em hêza xwe ji têkoşîn û berxwedana şehîdên xwe digirin."