
'Ji bo jinan pêvajoyek girantir dest pê dike' 

2018-07-29 09:02:06


	&nbsp;

	
		ENQERE - Sekretera Jinan a KESK’ê Gulîstan Atasoy diyar kir ku OHAL &nbsp;bi qanûnan hatiye mayîndekirin û wiha got: “Em ê ji vir û şûnde jî têkoşîna xwe bidomînin. Ji bo jinan pêvajoyek zehmetir dest pê dike.”
	
		&nbsp;
	
		Li Tirkiyeyê OHAL ya di 20’ê Tîrmeha 2016’an de hat îlankirin di ser re 2 sal derbas bûn û bi giştî 7 caran hat dirêjkirin û di 18’ê Tîrmehê de hat rakirin. Lê li şûna OHAL ya hat rakirin pêşnûmeqanûna ji 25 xalî pêk dihat li Lijneya Giştî ya TBMM’ê hat qebûlkirin.&nbsp;
	
		&nbsp;
	
		Sekretera Jinan a KESK’ê Gulîstan Atasoy &nbsp;der barê pêvajoya OHAL’ê û zextên li ser jinan axivî.
	
		&nbsp;
	
		‘Ji bo jinan pêvajo giran dibe’
	
		&nbsp;
	
		Gulîstanê got OHAL ya 2 salan berdewam kir niha bi qanûnan mayînde kirine û desthilatdarî vê rewşê bi gotina ‘OHAL rabû’ manîpule dike. Gulîstanê daxuyakirin ku divê rastî her tim bên vegotin û wiha pê de çû: “OHAL hat rakirin lê bi awayekî fîîlî û qanûnî hat mayîndekirin. Ji bo jinan em dikarin bêjin ku pêvajoyek zehmetir dest pê kiriye.”
	
		&nbsp;
	
		'Pergala nû jinan dijmin dibîne'
	
		&nbsp;
	
		Gulîstanê di berdewamiya axaftina xwe de daxuyakirin ku di pêvajoya OHAL’ê de li dijî destkeftiyan her tim êrîş pêk hatine, pêkanînên zayenperest derketina asta herî jor û ev tişt bi lêv kir: “Jin li her derê rastî şîdet, tacîz û tecawizê hatin. Her wiha em pêvajoyek ku ewlehiya kar bi giştî hatiye tunekirin jiyan. Hîkûmetê bi KHK’yên derxist &nbsp;di dawiya du salan de hilbijartina pêşwext a &nbsp;24’ê hezîranê kir û rejîmek nû ava kir. Aliyê ku ji xwe re dijmin dibîne jî jinin.”
	
		&nbsp;
	
		‘Hezar û 67 endamên jin hatin îxrackirin’
	
		&nbsp;
	
		Gulîstanê balkişand ser pêkanînên OHAL û KHK’yan û destnîşan kir ku heta niha bi KHK’yan hezar û 67 endamên wan yên jin hatine îxrackirin û hemû bername û xebatên wan jî bi hinceta OHAL’ê hatine astengkirin.&nbsp;
	
		&nbsp;
	
		'Ji 50’yî zêdetir kedkaran întîxar kir'
	
		&nbsp;
	
		Gulîstanê her wiha bi lêv kir ku di pêvajoya OHAL’ê de ji 50’yî zêdetir kedkaran &nbsp;dawî li jiyana xwe anîne û wiha dirêjî da axaftina xwe: “îxracan bi aliyekî jî karê krîmînalîzasyonê dîtiye. &nbsp;Hemû kedkarên ne AKP’î di vê demê de sûcdar hatine dîtin.
	
		&nbsp;&nbsp;Bi îxracan têkoşîna kedê hatiye krîmînalîzekirin.”
	
		&nbsp;
	
		Berpirsyariya rêxistinên kedê zêde bû
	
		&nbsp;
	
		Gulîstanê destnîşan kir ku di OHAL’ê de waliyên ku li dijî tacîz û êrîşên zayendî tedbîr nedigirt, çalakiyên KESK’ê bi hinceta ‘ewlehiyê’ asteng kirine û ev tişt bi lêv kir: “Bi guherîna rejîmê re berpirsyariya kedkaran zêde bû. &nbsp;Em ê têkoşîna rewa ji vir şûnde jî berdewam bikin.”
	
		&nbsp;


	&nbsp;