
OHP: Li Wanê îşkence li 2 jê zarok 6 kesên girtî hat kirin 

2018-07-20 10:26:57


	&nbsp;

	WAN - Li gor parvekirina OHP'a Wanê 2 jê zarok 6 kesên ku piştî bûyera mirina 2 kesî û polîsekî hatibûn girtin, îşkence li wan hat kirin.

	&nbsp;

	Platforma Hiqûkvanên Azad ên Wanê (OHP) li ser hesabên xwe yên medyaya civakî parvekirin ku îşkence jê 2 zarok li 6 kesî hatiye kirin. 2 jê zarok 6 kes piştî pevçûna 15'ê Tîrmehê ya li Kuçeya Vali Mithat Bey, hatibûn binçavkirin.

	&nbsp;

	Ji aliyê rûpela OHP'a Wanê wiha hat gotin:

	&nbsp;

	"Şehrîban Mamûk, Abdullah Şahin û Dilan Gorur 4 rojî li TEM'a Wanê ya Şaxa Zarokan di bin çavan de mane. Kesên ku behsa wan tê kirin ji heman malbatê ne û 2 jê zarok in. Ev kesan tevî lêgerîna malê di 4 rojên ku di bin çavan de mane bi îşkenceyê rû bi rû mane.&nbsp;

	&nbsp;

	Abdulbaki Şahîn (56) di hevdîtina bi parêzerên xwe re anî ziman ku ew bi îşkenceyê rû bi rû maye û du parsûyên wî hatine şikandin û hestiyên qorika wî yê rastê derizîye.&nbsp;

	&nbsp;

	Polîs: Em te nas dikin em hatin serê te bieciqînin

	&nbsp;

	Ayfer Şahîn (46) jî anî ziman ku ew ji aliyê polîsan ve hatiye tehdîtkirin û polîsan jê re wiha gotine:"Em te nas dikin em hatin serê te bieciqînin."

	&nbsp;

	F.Ş jî di hevdîtan bi parêzer re anî ziman ku di dema lêgerîna malê de dora 15 peywirdarên ewlehiyê êrîş kiriye û îşkence dîtiye.&nbsp;

	&nbsp;

	Li zaroka 16 salî tehdîda 'îşkenceya zayendî' hat kirin

	&nbsp;

	Di çarçoveya heman operasyonê de zaroka 16 salî ya bi navê D.G. dema li Şaxa Zarokan di bin çavan de bûye bi tehdîda 'îşkenceya zayendî' rû bi rû hatiye hiştin.&nbsp;

	&nbsp;

	&nbsp;