
Li Wanê pevçûn 3 jê jin 6 kes hatin binçavkirin 

2018-07-15 13:37:42


	&nbsp;

	WAN - Li Taxa Valî Mîthat Bey a Navçeya Rêya Armûşê ya Wanê şevê din polisan bi ser malekê de girt. Di serdegirtina malê de 2 kesan jiyana xwe ji dest dan û 3 polîs jî birîndar bûn. Ji heman malbatnê 6 kes hatin binçavkirin.&nbsp;

	&nbsp;

	Li Kolana Eresê ya Taxa Valî Mithat Bey ya Navçeya Rêya Armûşê, şevê din polîsan bi ser malekê de girt. Hat îdîakirin ku di serdegirtina malê de pevçûn derketiye û 2 kesan jiyana xwe ji dest dane. Di bûyerê de 1 jê giran 3 polîs birîndar bûn.

	&nbsp;

	Polîsan şev nîvê şevê saet di 00.20'an de bi maşîneya zirxî bi ser malekê de girtin û heta serê sibehê dengê çekan hat. Şahidên bûyerê yên li taxê diyar kirin ku saet di 24.00’ê şevê de bi dehan maşîneyên zirxî hatin taxê û wiha got: "Tax xistin bin dorpêçê. Saet di 00.20’an de dengê 2 teqînên çekan hatin. Saatek şûnde dîsa dengê çekan û dengê 2 teqînan hat. Piştre heta saet 05.00'ê sibê dengê çekan li ser hev hat. Saed di 06.00'an de polîs bi maşîneyên zirxî ji taxê derketin.

	&nbsp;

	Welatiyen taxê diyar kirin ku der barê birîndar û miriyan de agahiya wan tune ye. Şahidan anîn ziman ku ji malbatekê, Halit Şahin, Ayhan, Ayfer, Fettullah Şahin û Keça Şahîn a zewicî Şehriban Mamuk hatin binçavkirin. Polisên ku di dema bûyerê de ketin baxçeyên 3 malan zerar dan bax û darên malbatan. Li 4 nokteyên cuda şopa xwînê hat dîtin.&nbsp;

	&nbsp;

	Walîtiyê derbarê bûyerê de daxuyanî da

	&nbsp;

	Walîtiya Wanê jî daxuyanî da û diyar kir ku 2 kesên amadekariya çalakiyan dikirin hatine kuştin. 1 jê giran 3 polîs jî birîndar bûne. 6 kes jî hatine binçavkirin.&nbsp;