
Li sê bajaran herî kêm 14 kes hatin binçavkirin 

2018-07-14 13:42:19


	&nbsp;

	MANÎSA - Di çarçoveya lêpirsîna li ser navenda Manîsayê tê meşandin de li 3 bajaran bi ser malan de hat girtin. Di encama serdegirtina malan de herî kêm 14 kes hatin binçavkirin.

	&nbsp;

	Di çarçoveya lêpirsîna li ser navenda Manîsayê tê meşandin de do bi şev û satên serê sibehê de li Stenbol, Amed û Manîsayê bi ser malan de hat girtin. Hat diyarkirin ku di encama serdegirtina malan de hinek derî hatine şikandin û alavên hundur hatine belavkirin. Li Stenbolê Endamê Wekîlê HDP’yê yê &nbsp;Zonguldagê Evliya Gudan, Servet Tekin, Vedat Tekin, Murat Tekin, Hanım Guzel, Mîraç Yalçin, Volkan Avkan û Azad Kaplan hatin binçavkirin. Li Amedê Ş.B, A.T, M.O û R.K, li Manîsayê jî A.B, R. hatin binçavkirin.

	&nbsp;

	Hat hînbûn ku kesên li Stenbolê û li Amedê hatin binçavkirin dê bibin Manîsayê.&nbsp;

	&nbsp;

	Derbarê naveroka dosyaya ku biryara veşartinê hat dayin de derbarê sedema binçavkirinan de tu agahî nehat girtin.&nbsp;

	&nbsp;