
'Kes nikare vîna gelê Kurd bişkîne' 

2018-06-22 09:01:08


	&nbsp;

	Ronida Hacî&nbsp;

	&nbsp;

	HESEKÊ - Endama Rêveberiya Ciwanan a PYD'ê Leylan Qasim derbarê êrîşên dewleta tirk ên li ser Efrînê diyar kir ku yên behsa demokrasiyê dikir îro zilmê li gelê Efrînê dike û got:"Di şexsê gelê Efrînê de hat xwestin ku vîna hemû gelên Rojhilata Navîn bê şikandin. Yên ku pesnê xwe yê demokrasiyê vedida îro li Efrînê bi destên çeteyên OSO'yê gel diçewisîne û ji mafên wan bêpar dihêle."

	&nbsp;

	Endama Rêveberiya Ciwanan a PYD'ê Leylan Qasim derbarê êrîşên dewleta tirk ên li ser Efrînê bi lêv kir ku pergala yekperest a Erdogan xwest ku li Efrînê vîna gelê Kurd bişkîne lê kes nikare vîna gelê Kurd bişkîne.&nbsp;

	&nbsp;

	Leylan Qasim da zanîn ku hêza gelê Kurd têrî qirêjiyên zihniyeta yekperest û baviksalarî dike û got:"Zihniyeta ku her dem li dijî hebûna gelê Kurd şer kiriye dê tu carî negihêje armanca xwe. Em ê bi têkoşîna xwe ya kevnar teqez bi ser bikevin."

	&nbsp;

	'Divê kongreya neteweyî bê avakirin'

	&nbsp;

	Leylanê anî ziman ku ji bo dawî li gefên Tirkiyeyê bê divê kongreya neteweyî ava bibe û wiha dewam kir:"Em ê li dijî her planên ku gelê Kurd hedef digire di nav têkoşîn û tevgerê de bin. Kurd xwedî kevneşopî û tecrubeyên mezin in, em ê li ser vê bingehê têkoşîna xwe geştir bikin."

	&nbsp;

	'Em tucarî naqedin'

	&nbsp;

	Leylanê diyar kir ku armanca êrîşên li dijî Efrînê tunekirina gelê Kurd û di şexsê gelê Kurd de tunekirina hemû gelan e û wiha dawî li axaftina xwe anî:"Em ne tenê ji bo xwe, ji bo hemû gelan aştî û aramiyê dixwazin. Loma em ê destûrê nedin ku Erdogan bigihêje armanca xwe."

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;