
Kongreya Star li Til Temirê daxuyanî da 

2018-06-20 13:15:22


	&nbsp;

	TIL TEMIR - Bi armanca şermezarkirina êrîşa dewleta tirk a li ser Bakurê Suriyeyê Kongreya Star daxuyanî da.

	&nbsp;

	Bi armanca şermezarkirina êrîşa dewleta tirk a li ser Bakurê Suriyeyê Kongreya Star li Til Temira Kantona Hesekê daxuyanî da. Saziya Malbatên Şehîdan, hemû saziyên civakî û gelê Til Temirê beşdarî daxuyaniyê bûn. Daxuyanî ji aliyê Endama Kongreya Star Elya Oglo hat xwendin.

	&nbsp;

	Di daxuyaniyê de wiha hat gotin:

	&nbsp;

	"Bi destê Tirkiyeyê û bi alîkariya Rûsyayê êrîşên mezin li ser Efrînê çêbû û gelek kes hatin qetilkirin. Niha pêkanîne dewleta tirk ên li Efrînê didome. Divê lijneyek navneteweyî ya ji bo lêkolîna îşkenceyê were Efrînê û talan û îşkenceya tê kirin di cihê xwe bibîne. Em ê heta dawî têkoşîna xwe bidomînin û rê nedin faşîzmê û dagirkeran."

	&nbsp;

	Daxuyanî bi dirûşma "Hemû jin ji bo Efrînê serî hildin" bi dawî bû.&nbsp;

	&nbsp;

	&nbsp;