
Zarokek Êzidî ji DAÎŞ'ê hat rizgarkirin 

2018-06-20 10:19:38


	&nbsp;

	Nisrin Hisen-Viyan Said

	&nbsp;

	ŞENGAL - Zaroka bi navê Suad Berkat a 14 salî ya Êzidî ji aliyê hêzên QSD'ê ve hat rizgarkirin.&nbsp;

	&nbsp;

	Zaroka bi navê Suad Berkat a 14 salî ya Êzidî û ji Gundê Tilezirê ji aliyê hêzên QSD'ê ve ji çeteyên DAÎŞ'ê hat rizgarkirin. Suadê ji aliyê Meclîsa Tevgera Azadiya Jinên Êzidî (TAJÊ) ya Xanesorê radestî malbata xwe hat kirin.&nbsp;

	&nbsp;

	Suadê da zanîn ku bavê wê ji aliyê çeteyên DAÎŞ'ê ve hatiye kuştin û agahiyê ji diya xwe nastîne. Her wiha Suadê da zanîn ku daxwaza wê ew e ku hemû Êzidiyên di destên DAÎŞ'ê de ne bên rizgarkirin.

	&nbsp;

	Li ser navê malbata Suadê dayika bi navê Şemê anî ziman ku ew gelek kêfxweş in ku keça wan ji destên çeteyan hatiye rizgarkirin û got:"Em dibêjin mala hêzên QSD'ê ava be ku keça me ji destên çeteyan rizgar kirin."

	&nbsp;

	&nbsp;