Avahiyên Modern yên wezaretê dirizin 

2018-06-13 09:15:24


	 

	MÊRDÎN-  Li Nisêbînê TOKÎ’yên ku hîna çêkirina wan temam nebûye dirizin.  Avahiyên ku kevirên wan yên şaneşînê, derî û pençere şikestine, ji ber baranê têk çûne û zerarek mezin dîtine.

	 

	Li Nisêbînê piştî qedexeya derketina derve li 6 taxan avahiyên TOKÎ hatin destpêkirin.  Nayê zanîn ku TOKÎ wê kengî bên teslîmkirin û ev salek û nîve jî çêkirina wan didome. Her wiha  komîsyona lihevkirinê jî hewl dide malbatên ku TOKÎ’yan naxwazin jî îkna bikin.

	 

	Di înşaetê de tên xwarê

	 

	Çêkirina 6 hezar û 400 avahiyên ku tê gotin wê di sersalê de bên radestkirin didome.  Li gorî agahiyên ji endezyaran hatine girtin hîna salek xebata TOKÎ’yan maye û piraniya wan ji ber şert û mercên hewayê zirar dîtine. Hat hînbûn ku ji ber vê sedemê wê carek din di ber çavan re bên derbaskirin û piranî avahî hem ji derve de û hem jî ji  hundir de tên xwarê. Her wiha li herêma ku TOKÎ hene jî hejmara qerekol û MOBESE’yan balê dikşîne.

	 

	Avahiyên ku hîmê wan serokwezîr Bîanlî Yildirim avêt û ji aliyê wezîrê bajarvaniyê Mehmet Ozhasekî ve wek ‘avahiyên modern’ hatin nasandin, beriya ku radestî  gel bê kirin, zerar dîtine û rizya ne.

	 

	Li taxa Yenîşehîrê jî rewşa avahiyan bi heman awayî ye. avahiyên ku tê gotin du ode ne gelek biçûkin. Her wiha ewlehiya canê karkeran jî tune ye û heta niha ji 10’an zêdetir karker birîndar bûne.