Dengdana li derveyî welat a ji bo hilbijartina 24'ê Hezîranê sibe dest pê dike 

2018-06-06 13:22:53


	 

	NAVENDA NÛÇEYAN -Hilbijêrên li derveyî Bakurê Kurdistanê û Tirkiyeyê ji bo hilbijartina Serokkomariyê û Parlamentoya Tirkiyeyê sibe wê biçin ser sindoqan.

	 

	Ji bo hilbijartinên ku wê li Bakurê Kurdistanê û Tirkiyeyê 24’ê Hezîranê werin kirin, hilbijêrên li Ewropayê wê sibe biçin ser sindoqê.

	 

	Ên ku qeyda wan li 'Lîsteya Hilbijêrên Derveyî Welat' heye, li 34 deriyên sînor ên li rêyên bejahî, balafirgeh û bendergehan ji 7'ê Hezîranê û pê ve wê karibin dengê xwe bidin. Dengdan 24 saetên roja kar dikare bibe. Dengdan 24'ê Hezîranê saet 17.00’an de  wê biqede.

	 

	Heke hilbijartina Serokkomariyê bimîne tûra duyan, dengdana 30’ê Hezîranê wê dest pê bike û 8’ê Tîrmehê 17.00’an biqede.

	 

	Saet di  09.00’an de deng dan dest pê dike

	 

	Li nûnertiyên Ewropayê dengdan nav hefteyê di navbeyna saet 09.00-21.00’an wê pêk were.

	 

	Ji bo hilbijêrên qeyda wan li 'Lîsteya Hilbijêrên Derveyî Welat’ heye, li 60 welatî, li 123 nûnertiyan sindoq hatin danîn.

	 

	Li hin welatan dema dengdanê:

	 

	Elmanya, Awûstûrya, Fransa: 7-19 Hezîran (13 roj)

	 

	Danîmarka: 9-19 Hezîran (11 roj)

	 

	Awûstralya, Luksemburg: 9-17 Hezîran (9 roj)

	 

	Danîmarka: 9-19 Hezîran (11 roj)

	 

	Norwêc: 14-19 Hezîran (6 roj)

	 

	Îtalya: 15-17 Hezîran (3 roj)

	 

	Belçîka, Hollanda, Swîsre 15-19 Hezîran (5 roj)

	 

	Kraliyeta Yekbûyî: 16-19 Hezîran (4 roj)

	 

	KKTC, Kanada, Bulgarîstan: 16-18 Hezîran (3 roj)

	 

	Çîn, Rûsya, Romanya, Siûdî, Yewnan

	 

	Lubnan, Israil, Ukrayna: 16-17 Hezîran (2 roj)

	 

	Azerbaycan, Iraq, Îran, Îrlanda, Spanya, Misir, Malta,

	 

	Ozbekistan, Sirbîstan, Japon: 17 Hezîran (1 roj)”