
Li Şehbayê meş hat lidarxistin 

2018-05-26 13:55:25


	&nbsp;

	ŞEHBA - Bi munesebeta 26'ê Gulanê Roja Efrînê ya Cîhanê bi hezaran gelê herêma Efrînê ku li kampa Berxwedanê ya Kantona Şehbayê bi cih bûne mîtînigek li dar xistin.

	&nbsp;

	Bi munesebeta 26'ê Gulanê Roja Efrînê ya Cîhanê bi hezaran gelê Bakurê Sûriyeyê û cîhanê li dijî êrîşên dewleta tirk rabûn ser piyan û çalakî li dar xistin. Li &nbsp;kampa Berxwedanê ya kantona Şehbayê jî bi hezaran gelê Efrînê û Şehbayê mîtîngek li dijî êrîşên Dewleta Tirk li dar xistin.

	&nbsp;

	Di mîtîngê de hemû sazî û desteyên Rêveberiya Xweser, Kongreya Star,Tevgera Civaka Demokratîk,Meclîsa Kantona Şehbayê,Meclîsa Malbetên Şehîdan, Pêkhateyên Ereb, Turkmen û bi hezaran gel beşdarî mîtîngê bûn.

	&nbsp;

	Di mîtîngê alên Kongreya Star, TEV-DEM,YPG,YPJ û pankartên " Erdogan DAÎŞ e kujerê zarok û jinan e", "Efrîn kela berxwedan û serhildanê ye" hatin hilgirtin. Piştî deqeyek rêzgirtin, Hevseroka Meclîsa Kantona Şehbayê Wefe Husên û li ser navê Meclîsa Efrînê Mostefa Hesen axivîn.

	&nbsp;

	Di axaftinan de wiha hat gotin:"Bi planên qirêj ên Rûsya û Tirkiyeyê Efrîn hat dagirkirin. Lê gelê bi îradeya xwe ya xurt ku bingeha xwe ji fikir û ramanên Rêber Apo digire teslîm nebû û heta dawî têkoşiya."

	&nbsp;

	Di daxuyaniyê de hat ragihandin ku divê gel tu carî dev ji têkoşîn û îradeya xwe ya bi hêz bernedin û bang li hemû rêxistinên mafên mirovan ên navneteweyî hat kirin ku li dijî êrîşên dewleta tirk û Rûsyayê bêdeng nemînin.&nbsp;

	&nbsp;

	Mîtîng bi dirûşmên "Bijî berxwedana Efrînê", " Bê Serok jiyan nabe", "Berxwedan jiyan e" bi dawî bû.&nbsp;

	&nbsp;