
Girtiyan banga lezgîn kir: Dibe ku her saniye cenaze ji vir derkeve 

2018-04-29 09:31:38


	&nbsp;

	BAYBURT- Girtiyên li girtîgeha Tîpa M ya Bayburtê gotin: “Dibe her saniye cenaze ji vir derkevin. Divê demildest heyet bê şandin. &nbsp;Arîna 3 salî û Avesta ya 5 salî jî rastî şîdeta psîkolojîk û lêgerîna tazî tên.”

	&nbsp;

	Girtîgeha Tîpa M ya Bayburtê ku bi zext û îşkenceyan ji rojevê nakeve, &nbsp;girtiyên jin bi hevkariya malbatan tiştên jiyan vegotin. Girtiyan bi lêv kir ku zext derketina asta herî jor û banga lezgîn kirin.

	&nbsp;

	Girtiyan destnîşan kir ku ewlehiya canê wan li wir tune û ev hişyarî kirin: “Her saniye dikare cenaze ji vir &nbsp;derveke. Divê demildest heyetek bê vir. &nbsp;Hefteyê du caran li odeyên me û li ser me lêgerîn tê kirin. &nbsp;Name û pirtûkên tên ji me re jî nayên dayîn.”

	&nbsp;

	Li Arîn û Avestayê şîdeta psîkolojîk

	&nbsp;

	Di nameyê de hat diyar kirin ku Arîn Mîrkan ya 3 salî û Avesta ya 5 salî ku bi dayika xwe Vesîleyê re li girtîgehê dimînin roj bi roj zeîf dibin û ji aliyê gardiyanan ve jî rastî şîdeta psîkolojîk tên. &nbsp; Vesîle ya bi malbata xwe re axivî diyar kir ku dema qêrîna gardiyanan dibîhîzin zarokên xwe hembêz dikin.

	&nbsp;

	Vesîleyê destnîşan kir ku gardiyanan qada lîstikê ya hewadanê ji bo zarokan û dîwarê ji kartonê rakirine û ji ber vê Arîn û Avesta bi saetan giryane.

	&nbsp;

	Bavê Arîn û Avestayê jî diyar kir ku gardiyan her tim bi ser zarokan de diqîrin û her tişt qedexe kiriye. Her wiha got hefteyê du caran lêgerîna tazî dikin û zarok jî bi qêrîn bertek nîşanê gardiyanan didin.

	&nbsp;