
Kesên ku li Hevraza Kazanciyê hatin qetilkirin hatin bibîranîn 

2018-04-28 15:54:05


	&nbsp;

	STENBOL - Kesên ku di 1’ê Gulana 1977’an de jiyana xwe ji dest dan, li Hevraza Kazanciyê hatin bibîranîn. Berdevkê Hewldana 78’an a Stenbolê Yunus Bîrcan got: “Em polîtîkayên AKP’ê yên li ser Qada Taksîmê îtîraz dikin.”

	&nbsp;

	Hewldana 78, Partiya Tevgera Kedkaran (EHP), Partiya Demokratîk a Gelan (HDP) Kongreya Demokratîk a Gelan (HDK), SYKP, YSGP û Xebatkarên Huner ên Dijber kesên ku di 1’ê Gulana 1977’an li Hevraza Kazancî ya Taksîmê jiyana xwe ji dest dan bibîr anîn û daxuyanî dan çapemeniyê. Berî daxuyanî bê dayîn 35 kesên jiyana xwe ji dest dayîn hatin bibîranîn.&nbsp;

	&nbsp;

	Berdevkê Hewldana 78’an a Stenbolê Yunus Bîrcan daxuyanî da û wiha got: “Berî 41 salan 500 hezar karker, kedkar, jin û ciwan rastî êrîşên bi çek hatin. Di 1’ê Gulana 1977’an de 8 jê jin 35 kes hatin kuştin û herî kêm 126 kes jî birîndar bûn. Li Qada Taksîmê komkujî pêk anîn. Em polîtîkayên AKP’ê yên li ser Qada Taksîmê îtîraz dikin.”

	&nbsp;

	Yunus, da zanîn ku Qada Taksîmê Qada 1’ê Gulanê ye û wiha bilêv kir: “Divê qedexeya li ser Taksîmê bê rakirin û ji raya giştî re bê vekirin. Li ser navê hemû hevalên xwe, em dixwazin li serê Hevraza Kazancî bîrdarî bê avakirin.”

	&nbsp;

	Piştî daxuyaniyê, ji bo bîranîna kesên jiyana xwe ji dest dayîn, qûrnefîl li Hevraza Kazanciyê hatin danîn.&nbsp;

	&nbsp;