
Li girtîgeha Tarsusê rewşa 5 girtiyan giran e 

2018-04-27 09:03:07


	&nbsp;

	AMED - Li Girtîgeha Tarsusê zext û binpêkirina mafan berdewam dike. Parêzer Selçuk Bînîcî balkişand ser pêkanînên kêfî û diyar kir ku di her koguşê de herî kêm du zarok bi dayika xwe re dimînin û got rewşa 5 girtiyan jî giran e.

	&nbsp;

	Li Girtîgeha Tarsûsê zext û şîdeta li ser girtiyan didome. Yek &nbsp;parêzerên ÎHD’a Mersînê Selçuk Bînîcî zext û binpêkirinên mafan ên li girtîgehê vegot.

	&nbsp;

	‘Di her koguşê de herî kêm du zarok hene’

	&nbsp;

	Li gorî agahiyên parêzeran dane di rojên borî de 13 girtiyên jin li dijî cezayên hucreyê ketine greva birçîbûnê ya 3 rojan û piştî &nbsp;3 rojan çalakî bi dawî kirine. Hat gotin ku yek ji pirsgirêka herî girîng a girtiyan cilên yekreng in û pêkanîna jimartina berê wan li dîwar e. Parêzer diyar kir ku koguş di ser kapasîteya wan de tije bûne û herî kêm du zarok jî li her koguşekê hene. &nbsp;Parêzer da zanîn rewşa 5 girtiyên nexweş jî girane û Sîsê Bîngol bi alîkariya girtiyan diçe destavê.

	&nbsp;

	Greva di 15’ê Adarê de hat destpêkirin bi dawî bû

	&nbsp;

	Her wiha hat destnîşan kirin ku bi daxwaza dawî li binpêkirinan bê dayîn di 15’ê Adarê de çalakiya greva birçîbûnê hatibû destpêkirin û 23 roj şûnde bi dawî bûye. &nbsp;

	&nbsp;

	Hat gotin ku ji aliyê Komîsyona Lêkolînê ya Girtîgehan a Şaxa ÎHD’a Mersînê ve rapora derbarê binpêkirinan de hatiye amadekirin wê ji raya giştî re bê parvekirin.

	&nbsp;