
Li ser cenazeyan şopên îşkenceyê 

2018-04-24 16:51:32


	&nbsp;

	EDENE - Malbatên HPG’iyên li Amanosê di pevçûnên cûda de jiyana xwe ji dest dan ku ji bo teşhîskirina cenazeyan çûn morgê, diyar kirin ku cenazayên şewîtî û parçe parçe bûne dîtine.&nbsp;

	&nbsp;

	Cenazeyên 17 HPG’îyên li Çiyayê Amanosê di mehên Adar û Nîsanê di pevçûnên derketin de jiyana xwe ji dest dane ji bo karê otopsiyê anîbûn Morga Saziya Tîpa Edlî ya Edeneyê. Ji 17 cenazeyan, malbata 3 HPG’iyan piştî cenaze teşhîs kirin cenazeyên zarokên xwe girtin û defin kirin. 10 cenaze di 22’yê Nîsanê de, li goristana bêkesan hatin definkirin. Gelek malbatan îro, ji bo cenazeyên zarokên xwe teşhîs bikin çûn morgê û testa mînaka xwînê dan. &nbsp;

	&nbsp;

	Malbata endamê HPG’ê Bariş Er ji wêneyên ku Saziya Tipa Edlî kêşandibûn, cenazeyê kurê xwe teşhîs kir. Hat diyar kirin ku cenazeyê Bariş li goristina bêkesan hatiye defin kirin û dê bi biryara dozger ji gorê derbixin û teslîmî malbatê bikin. Dema malbata Bariş, cenazeyê kurê xwe bigirin wê bibin li Sêrtê defin bikin.

	&nbsp;

	Malbatên ji bo teşhîsê çûn morgê, diyar kirin ku li ser cenazeyan şopên îşkence û şewatê hene û hin cenaze jî hatine texrîbkirin.&nbsp;

	&nbsp;

	Li aliyekî din ve jî, hat zanîn ku li Saziya Tipa Edlî ya Osmaniyê 6 cenazeyê HPG’iyan hene. &nbsp;

	&nbsp;

	&nbsp;