
Dayikên Şemiyê: Berpirsiyarê zarokên me li ku ne? 

2018-04-21 16:32:19


	&nbsp;

	STENBOL - Dayikên Şemiyê bi wesîleya roja 23’ê Nîsanê Cejna Zarokan &nbsp;li aqûbeta zarokên winda pirsîn û gotin: “Em şahidiya kuştina zarokan ku em dibêjin bila bibin siberoja me dikin.” Dayikan li aqûbeta Ilyas Dîrîl ê 12 salî û Zekî Dîrîl ê 16 salî ku di 1994’an de di bin çavan de winda bûn, pirs kir. &nbsp;

	&nbsp;

	Dayikê Şemiyê ji bo li aqûbeta windayan pirs bikin û kujer bên darizandin di hefteya 682’emîn de li Qada Galatasarayê çalakiya xwe li dar xistin. Wek her hefteyê pankart hat raxistin û wêneyên windayan hatin hildan. Di çalakiya vê hefteyê de bi minasebeta roja “23’ê Nîsanê Cejna Zarokan” li aqûbeta zarokên di binçavan de hatin windakirin pirsîn.&nbsp;

	&nbsp;

	Dayikan bi wesîleya rojê li aqûbeta Ilyas Dîrîl ê 12 salî û Zekî Dîrîl ê 16 salî ku di 1994’an ji Senbolê diçûn cem malbata xwe ya li Şirnexê û di kontrola rê de hatin binçavkirin û windakirin pirsîn.&nbsp;

	&nbsp;

	'Em dixwazin ku bila kujer bên darizandin'

	&nbsp;

	Di çalakiyê de wil kurê Abdullah Canan Tayîp Canan ê di 1996’an de bavê wî li Geverê di binçavan de hat windakirin axivî û behsa çîroka windabûna bavê xwe kir û got: “Em dixwazin ku bila kujer bên darizandin.”&nbsp;

	&nbsp;

	'Em di welatekî zarok tên kuştin de dijîn'

	&nbsp;

	Seroka Şaxa Komeleya Mafê Mirovan (ÎHD) a Stenbolê parêzer Gulseren Yolerî jî axivî û got: “23’ê Nîsanê wek roja Cejna Zarokan tê gotin, lê bele zarok vê cejnê nabînin. Di serî de zarok binpêkirina maf û hemû tiştî djîn. Em di welatekî zarok tên kuştin de dijîn. Dibêjin ‘zarok siberoja me ne’ lê bes em şahidiya kuştina zarokan dikin.”&nbsp;

	&nbsp;

	&nbsp;

	Ji Mirovên Şemiyê Leman Yurtsever li şûna malbat Îlyas ên li Şirnexê dijîn û ji ber nikaribûn tev li çalakiyê bibin axivî. Lemanê behsa bîranînek dayika Îlyas ên birayê hev Meryem Dîril û xwe kir û wiha got: “Ji roja ewil ve li cem malbata Dîrîl im. Ez her tim diçûm Şirnexê gel malbatê. Lê kesî behsa Ilyas û Zekî nedikir. Çunkî nedixwest behs bikin. Rojek ji bo biaxivin ez çûm. Li vir cara ewil dayikê behsa Ilyas û Zekî ji min re kir. &nbsp;Cara ewil vîdeoyek bi min da temaşekirin. Ev vîdeo ya dawetêkê bû. Li mala dawet lê dihat kirin, wêneyê Ilyas û Zekî lê daliqandibû. Dayikê got ku hêj zarokên wê nehatine kuştin hêj li dawetê ne.”&nbsp;

	&nbsp;

	Piştî Lemanê ji Mirovên Şemiyê Mukaddes Şamîloglu daxuyaniya vê hefteyê da û wiha got: “Zarokên tên kuştin ji bîr nekin. Em vê hefteyê beriya cejna 23’ê Nîsanê pêşwazî dikin. Divê li şûna dewlet zarokan bikuje, mafê wan ên jiyankirinê biparêz e.&nbsp;

	&nbsp;

	Em dixwazin zarok li vî welatî azad û rehet bijîn. Bila neyên kuştin. Bi wesîleya 23’ê Nîsanê di şexsê Ilyas Dîrîl ê 12 salî û Zekî Dîrîl ê 16 salî ku birayê hev in û di binçavan de hatin windakirin zarokên tên kuştin û windakirin ji bîr nekin.”&nbsp;

	&nbsp;

	Şamîloglu di berdewamiya daxuyaniyê de behsa çîroka windabûna her du zarokan kir û lêgerîna edaletê ya malbatê vegot. Şamîloglu ji bo dozên hemû zarokan daxwaza edaletê kir û xwest kujer bên darizandin.&nbsp;

	&nbsp;

	Piştî axaftinan çalakî bi dawî bû.&nbsp;

	&nbsp;