
Amedî wê 1'ê Gulanê li Qada Îstasyonê pîroz bikin! 

2018-04-17 14:48:00


	&nbsp;

	AMED - Gelê Amedê wê 1'ê Gulanê li meydana Stasyonê be. Komîteya Amsdekar a 1'ê Gulanê ya Amedê &nbsp;bang li her kesî kir ku li dijî şer, mêtingerî, şîdet û neheqiyê tevlî mîtînga 1'ê Gulanê bibin.

	&nbsp;

	Komîteya Amadekar a 1'ê Gulanê ya Amedê ku ji DÎSK, KESK, TMMOB û TTB'ê pêk tê daxuyaniyek da çapemeniyê.

	&nbsp;

	Di daxuyaniyê de hate ragihandin ku Rewşa Awarte û polîtîkayên şer bandoreke neyînî li paşeroja kedkaran û civakê dixwin û ev tişt hat gotin:"Bi vê kombûnê re em radigihînin ku ji bo mîtînga bi heybet a 1'ê Gulanê ya li Amedê me dest bi amadekariyan kir."

	&nbsp;

	Komîteyê diyar kir ku wê daxwazên xwe roja 1'ê Gulanê li Qada Îstasyonê bînin ziman.

	&nbsp;

	Herwiha Komîteyê destnîşan kir ku mirovên li ber şer radibin û daxwaza aştiyê dikin wê li Qada Îstasyonê li hev bicivin û nîşan bidin ku wê teslîmî tarîtiya rejîma nû ya ku bi Rewşa Awarte tê ferzkirin nebin.

	&nbsp;

	Komîteyê bang li her kesî kir ku tevli mîtînga 1'ê Gulanê bibin.

	&nbsp;