
Ji gelê Kampa Berxwedanê ya Şehbayê banga hestiyariyê 

2018-04-07 11:54:51


	&nbsp;

	Tolîn Muhemed-Lîlav Elî

	&nbsp;

	ŞEHBA - Şêniyên Efrînê ku ji ber êrîşa TSK û komên girêdayî wê neçar man ku derbasî Kantona Şehbayê bibin banga hestiyariyê ji rêxistinên mafên mirovan kirin û diyar kirin ku divê ev bêdengiya cîhanê bi dawî bibe.&nbsp;

	&nbsp;

	Şêniyên Efrînê ku ji ber êrîşa Hêzên Çekdar ên Tirk (TSK) û komên girêdayî wê neçar man ku derbasî Kantona Şehbayê bibin banga hestiyariyê ji rêxistinên mafên mirovan kirin û diyar kirin ku di warê pêdiviyên jiyanî yên gelê Efrînê ku niha li Kampa Berxwedanê ya Kantona Şehbayê dimînin hemû cîhan bi hestiyarî nêz bibin û dawiyê li bêdengiya xwe bînin.&nbsp;

	&nbsp;

	Xebatkara Nexweşxaneya Avrînê Cîhan Ebdo anî ziman ku pêdiviyên şêniyên Kampa Berxwedanê yên Şehbayê yên jiyanî hene û got:"Em wekî xebatkarên Nexweşxaneya Avrînê çi ji destên me tên em dikin, her wiha Heyva Sor a Kurd jî alîkariyê bi gelê ku li Kampa Berxwedanê bi cih bûn dike lê dîsa jî pêdiviyên gel ên wekî derman û avê hene. Her wiha ji ber kêmasiya di warê tenduristiyê de nexweşî jî zêde dibe û herî zêde zarok di bin bandora vê yekê de dimînin. Gel tevî hemû zor û zehmetiyan li ber xwe didin. Lê divê rêxistinên mafê mirovan jî di warê pêdiviyên jiyanî de bi hestiyarî tev bigerin."&nbsp;

	&nbsp;

	Her wiha şêniya Efrînê Fatmê Xelîl jî da zanîn ku pêdiviyên wan ên jiyanî hene û anî ziman ku divê saziyên navneteweyî û rêxistinên mafên mirovan ên navneteweyî vê yekê bibînin û li gor wê tev bigerin da ku erka xwe ya mirovatiyê bi cih bînin.

	&nbsp;