
Banga Efrîniyan a ji bo saziyên navneteweyî:Berpirsiyariya xwe ya mirovî û ehlaqî bi cih bînin

2018-03-30 14:13:07


	&nbsp;

	&nbsp;

	&nbsp;

	&nbsp;

	ŞEHBA-Rêveberiya Xweser a Kantona Efrînê û &nbsp;Wargeha Berxwedana Serdemê derbarê êrîşên li ser Efrînê û koçberên li Şehbayê daxuyaniya çapemeniyê dan û gotin:"Em bang li raya giştî û Neteweyên Yekbûyî dikin ku dawî li bêdengiya xwe bînin û &nbsp;wek berpirsiyariya ehlaqî alîkariya mirovî bikin.&nbsp;

	&nbsp;

	Gelê Efrînê ji ber êrîşên Tirkiyeyê û komên girêdayî wê neçar man ku derbasî Kantona Şehbayê bibin. Gelê Efrînê ji bo raya giştî ya navneteweyî têkeve tevgerê daxuyaniya çapemeniyê da. Rêveberiya Xweser a Efrînê û Şehbayê û gelek kesên ku di kampê de dijîn beşdarî daxuyaniya çapemeniyê ya ku li "Kampa Berxwedanê" hat kirin bûn.&nbsp;

	&nbsp;

	Kurdiya daxuyaniyê ji aliyê rêvebira kampê Nurşan Husên, ya bi Erebî jî ji aliyê Cihan Mihammed hat xwendin.&nbsp;

	&nbsp;

	Di daxuyaniyê de hat gotin ku Kantona Efrînê li pêş çavên hemû cîhanê hat dagirkirin û ji komkujiyekê derbas bû, gelek sîvîl jî ji ser axa xwe hat koçberkirin û wiha dewam kir:"Gelê ku ji talankerî û gaspê serî natewînin tên qetilkirin. Dewleta tirk ji aliyê komên ku girêdayi wê ye dixwaze demografiya Efrînê biguhere û dixwazin sîstema xwe ya dagirker û mêtinger ava bikin. Gelê Efrînê ji aliyê artêşa NATO'yê ya duyem dihat bombebarankirin. Ji bo ku gel bi qetlîamek mezin rû bi rû nemîne, derbasî Şehbayê bû û niha li wir berxwedana xwe didomînin. Gelek sîvîl jî mecbûr man ku derbasî Nubil û Zehrayê bibin. Lê bila &nbsp;ev paşvekişandina şaş neyê famkirin. Ev gel hîn berxwedana xwe didomîne. Gel dixwazin dîsa vegerin Efrînê. Niha gel li Şehbayê di nava şerd û mercên dijwar de têkoşîna xwe didomînin. "

	&nbsp;

	'Bila wein gelê sîvîl li cihê wan bibînin'

	&nbsp;

	Di daxuyaniyê de bêdengiya raya giştî ya navneteweyî hat rexnekirin û wiha dewam kir:"Êdî dawî li bêdengiya li dijî tifaqa AKP-MHP'ê û &nbsp;çeteyên girêdayî wan bînin. Tiştên ku li Efrînê tê jiyîn êdî bibînin. Demildest li Gelê Efrînê yê koçber xwedî derkevin. Alîkariya mirovî bikin û perpirsiyariya xwe ya ehlaqî bi cih bînin. Em bang li hemû rêxistinên mafên mirovan û li Bijîşkên ku Sînoran Nas Nakin dikin ku werin gel di cihê wan de bibînin û peywira xwe ya mirovatiyê bi cih bînin."

	&nbsp;

	Daxuyanî bi dirûşmên "Bimre dagirkerî û terorîzm" û "Bijî berxwedana Efrînê" bi dawî bû. &nbsp;