17 Saziyên Navneteweyî yên çapemeniyê ji bo Ozgurlukçu Demokrasi daxuyanî da 

2018-03-30 11:33:28


	 

	NAVENDA NÛÇEYAN - Bertekên li dijî destdanîna ser rojnameya Ozgurlukçu Demokrasî û Çapxaneya Gun zêde dibin.  AGÎT’ê bangî hikûmeta AKP’ê kir ku rêzê bide serbixwetiya rojnamegertiyê. Di daxuyaniya 17 saziyên navneteweyî de wiha hat  gotin: “Demildest xebatkarên rojnameyÊ û çapxaneyê berdin. Mafên rojnameyê û çapxaneyê desteser nekin.”

	 

	Rêxistinên pişeyî yên Tirkiyeyê û derveyî welat, saziyên azadiya çapemeniyê û AGÎT’ê bertek nîşanî desteserkirina rojnameya Ozgurlukçu Demokrasî û Çapxaneya Gun dan. Nûnerê Azadiya Çapemeniyê ya AGÎT'ê Harlêm Desîr, di daxuyaniya xîtabî Wezîrê Karê Derve Mevlut Çavuşoglu kir de wiha got: “Divê xebatkarên rojnameyê û çapxaneyê bên berdan û rêzê bidin serbixwetiya rojnameya Ozgurlukçu Demokrasî.” 

	 

	Daxuyaniya hevpar

	 

	Enstutya Çapemeniyê ya Navneteweyî (IPI), Yekîtiya Nivîskarên Navneteweyî (PEN Internatîonal), Rojnamegerên Sînoran Nasnakin (RSF), Federasyona Rojnamegerên Ewropa (EFJ), 19 Artîcle, Index on Censorshîp û  17 saziyên cuda di daxuyaniyê de wiha gotin: “Em bang li rayedarên Tirkiyeyê dikin ku xebatkarên rojnameyê û çapxaneyê demildest serbest berdin. Divê rayedar mafê rojnameyê û ofîsên wan ên qanûnî paşve bide wan û di heman demê de rêzê bide serbixwetiya rojnameya Ozgurlukçû Demokrasî û Çapxaneya Gun.”