Li Dêrikê notirvanê taxê jinek revand 

2018-03-29 13:47:28


	 

	MÊRDÎN – Şerîf T. ê li Dêrikê notirvaniya taxê dike bi kesên çekdar re Berfîn G. a 19 salî revand. 

	 

	Li navçeya Dêrika Mêrdînê Şerîf T. ê notirvanê taxê dike, bi koma çekdar re Berfîn G. a 19 salî ku amadekariyê ezmûnên zanîngehê dike revand. Berfîn G. dema duh li gel dayika xwe ji nexweşxaneyê vedigeriyan li ser Kolana Amedê (Diyarbakir), Şerîf T. û 3-4 kesên nasnameya wan ne diyar riya wan birîn. Notirvan û koma pê re ewilî gule berê hewayê dan û pişt re jî Berfîn G. bi darê zorê li wesayîtê siwar kirin û revandin. Hat zanîn ku dayika Berfîn G. jî bi erdê re kaş kirine.