Wêneyê talankirina Efrînê 

2018-03-23 12:12:21


	 

	EFRÎN - Wêneyên talankirin û dagirkirina Efrînê, asta hewldana talan û diziyên komên hevkarên Tirkiyeyê OSO derdixe holê. 

	 

	Komên El Nusra û selefiyên DAÎŞ’ê yên dibin navê OSO de, ligel Tirkiyeyê Efrîn dagir kirin, asta talan û diziya li navenda Efrînê bi hemû awayî derdikevin holê.  Serokê Giştî yê AKP’ê Recep Tayyîp Erdogan, berê OSO şibandibû hêzên “Kuvay-î Mîlliye” û parastibû. Piştî Efrîn hat dagirkirin komên OSO yên hevkarên Tirkiyeyê navenda bajêr talan û bi talankirina Efrînê ji rojevê dernakevin. Wêneyên herî dawî yên ji Efrînê gihaştin ber destên Ajansa Mezopotamyayê, asta dizî û talankirina li Efrînê radikexe ber çavan.

	 

	Weneyên geşhiştin Ajansa  Mezopotama (MA), rastî û awayê talankirina Efrînê radikexe ber çavan. Di wêneyan de xuya dike ku hemû derî û paçayên dikandarên sûka Efrînê şikandine û ketine hundirê wan û hemû amûr, alaf, eşya û malzeme hatine dizîn û talan kirine. Ji ber hewldana talanê hemû amûrên di dikanan de derxistine kolanan. Serokê Giştî yê AKP’ê Erdogan derbarê talan û diziya li Efrînê de wiha gotibû: “Me û komên OSO bi hev  re dest bi tevgera Afrînê kir. Em û OSO bi hevre ketin Afrinê. Lê dihenek koman de feraseta xenîmetê heye. Demildest me mudaxale kir. Li dijî wan tedbîr hatin girin. Bi wan re hat axaftin û ev rewş hat sererast kirin.”

	 

	Car din Wezîrê Karê Derve Mevlut Çavuşoglu jî gotibû ku komên ji aliyê Helebê ve hatin ev yek kirin û hewl dabû komên OSO biparêze.