
Agirê Newrozê li her derê Serhedê geş dibe 

2018-03-21 13:44:48


	&nbsp;

	NAVENDA NÛÇEYAN - Li gelek bajarên herêma Serhedê, bi sedan kes ligel astengiyên polîsan herikin qadên Newrozê û bi agirê pêxistin herêma Serhedê gerim kirin. Ji qadên bi coş ên Newrozê peyama “Em ê qezenc bikin” hat dayîn.&nbsp;

	&nbsp;

	Li bajarên Agirî, Idîr, Qers, Mûş, Tetwan û Colemêrgê yên herêma Serhedê bi şîara “Newroz berxwedane, li dijî faşîzmê bihara gelane” gel herikin qadên Newrozê û bi coşa xwe qad tije kirin. Ligel astengiyên polîsan jî gel ne rawestiye û cil û bergên xwe beşdarî Newrozê bûn. Li herêma Serhedê heman peyam hat dayîn û gel got “Emê qezenc bikin.”&nbsp;

	&nbsp;

	Agrî

	&nbsp;

	Newroza Agiriyê qada Garajê ya Şarederiyê pêk hat. Gel di saetên serê sibê de berê xwe dan Newrozê û herikin qadê.&nbsp;

	Polîsan ciwanekê ku tîşortê kesk, sor û zer li xwe kiribû negirtin qadê û dest danîn ser pênûs û defterên rojnamegeran. Lê ligel hemû astengî û pêkanînên keyfî Newroz bi hemû coşa gel berdewam dike. En dikevin qadê govendê digerinîn û dirûşman berz dikin.

	&nbsp;

	Qers

	&nbsp;

	Li Qersê jî pîrozbahiyên Newrozê li Qada Cumhuriyetê tê pîrozkirin. Girseya gehişt qada Newrozê, li be dahol û zirneyan govend gerandin. Qada Newrozê bi alên HDP’ê hatin xemilandin û pankartên “Newroz pîroz be” û “Ji 8’ê Adarê heya Newrozê” bi qadê ve hatin kirin. Piştî pêxistina agirê Newrozê bernameyê dest pêkir.&nbsp;

	&nbsp;

	Idîr

	&nbsp;

	Li &nbsp;Idîrê jî gel bi cil û bergên xwe yên renga renk herikin qadê û Newroza xwe pîroz dikin. Girseya li ber avahiya HDP’ê kom bûn piştî gerandina guvendê bi otobusan çûn qada Newrozê. Qada &nbsp;Newrozê ku bi gel tije bû, di çarçoveya bernameya Newrozê de stran hatin gotin û govend hat gerandin.

	&nbsp;

	Colemêrg

	&nbsp;

	Li Colemêrgê jî gel bi coş û kelecaniyek mezin herikin qada Newrozê ya li Otogarê. Girseya cil û bergên xwe yên herêmî li xwe kirin govend gerandin û dirûşme berz kirin.&nbsp;

	&nbsp;

	Mûş

	&nbsp;

	Li Mûşê jî gel di saetên serê sibê de berê xwe dan qada Newrozê ya Otogarê û govenda Newroza geranedin. Gelê Mûşê ji navçeyan bi cil û bergê xwe hatin qadê û li ber stranan govend gerandin. Parlamenterê HDP’ê Mîthat Sancar û Ayşe Acar Başran beşdarî Newrozê bûn û Koma Dengê Jinên Azad û hunermendên herêmî dê derbikevin ser dikê.

	&nbsp;

	Tetwan

	&nbsp;

	Li navçeya Tatwanê ya Bedlîsê &nbsp;jî gel herikin Qada Fuarê ya &nbsp;Newrozê û qada Newrozê vale dije kirn. Bi sedan kes li navçe û navenda Bedlîsê herikin qadan û li ber stranan Newroza xwe pîroz kirin û guvend gerandin.

	&nbsp;

	&nbsp;