
Jinên Girê Spî: Dê berxwedan bidome 

2018-03-20 12:09:05


	&nbsp;

	Îlham Eloso

	&nbsp;

	GIRÊ SPÎ - Jinên gundê Cirinê yê &nbsp;Kantona Girê Sipî peyama girîngiya berdewamî ya berxwedana serdemê dan û gotin:"Tevî hemû astengî û zordestiyan berxwedana Efrînê li cîhanê deng veda û bi dawî nebû."

	&nbsp;

	Jinên gundê Cirinê yê &nbsp;Kantona Girê Sipî anîn ziman ku dê pişgiriya wan a berxwedana Efrînê bidome û dê têkoşîna xwe ya li dijî faşîzma hêzên navneteweyî mezintir bikin.

	&nbsp;

	Jina bi navê Mêdiya Elî diyar kir ku Gelê Kurd tu caran bejna xwe li ber zilm û zordestiya neyaran netewandiye û dê netewînin wekî ku li Efrînê berxwe dan û teslîm nebûn.

	&nbsp;

	Gulistan Ehmed jî doza şopandina Arîn, Barîn û Avestayan pîroz kir û got:"Tevî hemû zordestiyên dewleta tirk û komên bi wê re ku heta Nexweşxaneya Efrînê jî bombebaran kirin û li gor rêgez û ehlaqa şer tevnegeriyan, Gelê Kurd bi vîneke xurt li dijî vê yekê têkoşiyan. Dê berxwedana Efrînê bi hêzeke mezin berdewam bike."

	&nbsp;

	Her wiha Rodîn Mihemed anî ziman ku ew bi berxwedana gelê Efrînê ser bilind in û ew ê heta dawî piştigiriyê bidin berxwedana serdemê.&nbsp;

	&nbsp;

	Farîza Ismaîl anî ziman ku Efrîn war, çand û nasnameya gelê Kurd e, dê gelê Kurd ji bo berxwedana Efrînê têkoşîna xwe mezintir bike û li nasnameya xwe xwedî derkeve. &nbsp;

	&nbsp;