
Jinên Kobanê: Newroz serîhildana gelê Kurd e 

2018-03-19 09:10:08


	&nbsp;

	KOBANÊ - Jinên Kobanê derbarê 21'ê Adarê Roja Cejna Newrozê de diyar kirin ku Newroz serîhildana gelê Kurd e û dê di vê Newroza îsal de bi têkoşînêk mezintir gelê Kurd agirê Newrozê geş bike.&nbsp;

	&nbsp;

	Jinên Kobanê anîn ziman ku îsal di 21'ê Adarê Roja Cejna Newrozê de dê agirê Newrozê bi ken, têkoşîn û tililiyên jinên Kurd geş bibe û dê berxwedan a gelê Kurd be.&nbsp;

	&nbsp;

	Fatme Ebdu di destpêkê de Newroz li hemû gelê Kurd pîroz kir û got:"Newroz nîşana têkoşîn û serkeftina gelê Kurd e. Em ê jî wekî jinên Kobanê vê mîrateya têkoşer Hesinkar Kawa hilgirin û bidin jiyandin."

	&nbsp;

	Stêrvan Bozan bi lêv kir ku Newroz ji bo wan roja vejînê û diyariya herî bi rûmet e û ew ê vê diyariyê heta dawî bi geşkirina agirê Newrozê biparêzin.

	&nbsp;

	Dayika bi navê Hesîna Kino Elo jî da zanîn ku wan berê agirê Newrozê bi dizî pêdixistin lê niha bi aweyekî azad ew pêdixin û anî ziman ku ev yek ji bi saya berxwedana gelê Kurd hat kirin.

	&nbsp;

	Hesînayê soza şopandina jinên ku bi agirê Newrozê deng li cîhanê vedane, da û got hêviyên me dê bi gurbûna agirê Newrozê mezintir bibe.&nbsp;

	&nbsp;