
Derewa TSK'ê: Avahî ne nexweşxane matba ye 

2018-03-17 14:21:31


	&nbsp;

	EFRÎN - Artêşa Tirk a dagirker duh saet di 21.00’an de nexweşxaneya Avrînê ya li Efrînê bomberdûman kir. Ji balefiran 3 bombeyan kazanê hatin avêtin û li nexweşxaneyê bi kêmanî 15 sivîlan jiyana xwe ji dest dan.

	&nbsp;

	Êrîşa artêşa tirk a li dijî nexweşxaneya sivîlan ji aliyê ajansa nûçeyan a navneteweyî AFP û Mala Çavdêriyê ya Mafên Mirovan a Sûriyeyê (SOHR) ve jî hate piştrastkirin.

	&nbsp;

	Piştî ku gelek saziyên çapemeniyê ev êrîş bi navê ‘deqeya dawîn’ dan, nerazîbûnên li dijî dewleta tirk zêde bûn. Artêşa tirk a dagirker li ser hesabê xwe yê twitterê daxuyanî û dîmenek weşand. Artêşa tirk a dagirker îddîa kir ku ‘Bombekirina nexweşxaneyê ne rast e’ lê bi dîmenên ku wê bi xwe par ve kiriye, xwe derewîn derdixe.

	&nbsp;

	Di dîmenan de yên ku artêşa tirk a dagirker belav kiriye, cihê ku wekî nexweşxane hatiye îşaretkirin, avahiya çapxaneyê ya Efrînê ye.

	&nbsp;

	Li kêleka çapxaneyê jî nexweşxaneya Avrînê heye (Di wêneyê de îşareta tîrikê tê dîtin). Di dîmenan de tê dîtin ku nexweşxane hatiye bombebarankirin.

	&nbsp;